Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
BOTA
CNN: Inteligjenca amerikane nuk beson se Putini është serioz për bisedimet e paqes
e. dPërditësimi i fundit 20 Shkurt 2025, 19:27
RUSI- Nuk ka asnjë provë se presidenti rus Vladimir Putin është i përgatitur të angazhohet seriozisht në bisedimet e paqes me Ukrainën që nuk favorizojnë synimet e tij maksimaliste në vend. Kështu kanë thënë për CNN tri burime të njohura me inteligjencën amerikane dhe perëndimore.
Megjithëse presidenti Donald Trump ka pohuar se Putini do të ndalojë luftën dhe nuk dëshiron kontroll mbi të gjithë Ukrainën. Gjithashtu zyrtarët e inteligjencës amerikane dhe perëndimore besojnë se Putini mbetet i fiksuar ose për ta nënshtruar vendin ose për të siguruar një shtet të vogël e të dobët ukrainas që varet nga Moska.
“Nëse do të kishte një armëpushim, atëherë një armëpushim është vetëm koha që Putini të pushojë dhe të riarmatoset dhe të kthehet dhe të marrë pjesën tjetër të asaj që dëshiron. Ne nuk kemi parë asnjë tregues që ambiciet e tij kanë ndryshuar”, tha burimi.
Putini gjithashtu ka të ngjarë të shohë bisedimet me Shtetet e Bashkuara për të ardhmen e Ukrainës si një mundësi për Rusinë që të kthehet në skenën botërore si një vend normal. Dhe në këtë pikë, Rusia po vazhdon të bëjë fitime të mëdha në fushën e betejës.
Zyrtarët e inteligjencës perëndimore besojnë se ekonomia e saj ka të ngjarë të mbajë përpjekjet e luftës gjatë vitit të ardhshëm. Rusia nuk ka asnjë nxitje për të bërë ndonjë lëshim kuptimplotë për Ukrainën, tha burimi i parë.
“Në mendjen e [Putinit], ai është ende duke fituar. Fiton më ngadalë se sa dëshiron, por prapë fiton”, tha burmi.
Gjithashtu Trump tha të mërkurën se presidenti rus Vladimir Putin dëshiron që lufta në Ukrainë të përfundojë dhe se ai mendon se do të ketë një armëpushim në një të ardhme jo shumë të largët. Presidenti bëri komente të ngjashme ditë më parë. Ai të dielën tha se ishte i bindur pas një telefonate me Putinin se udhëheqësi rus dëshiron t’i japë fund luftës.
“Unë mendoj se ai dëshiron të ndalojë së luftuari. Unë e shoh atë. Ne folëm gjatë dhe fort”, tha Trump./CNN
