Gjykata e Tiranës ka caktuar masën e sigurisë detyrim paraqitjeje për 18 persona të arrestuar gjatë protestave në Tiran&eum...
BOTA
E rëndë në Greqi/ Burri vret gruan me armë, u hodh nga ballkoni sipër makinës së 36-vjeçares dhe e qëlloi për vdekje, më pas i dha fund jetës së tij
n.fPërditësimi i fundit 13 Korrik 2024, 10:10
Autori dhe viktima
GREQI- Një krim i tmerrshëm ka ndodhur mëngjesin e sotëm në Amfiloki në Greqi. Një 43-vjeçar vrau gruan e tij 36-vjeçare dhe më pas vete. Mësohet se viktimat kishin dy fëmijë nga martesa e tyre. Sipas raportimeve nga mediat greke ngjarja ndodhi mëngjesin e sotëm ndërsa autori vrau gruan dhe veten më një pushkë gjuetie.
Sipas raportimeve paraprake, autori kishte bërë pritë jashtë shtëpisë së viktimës. Dy ditë më parë, viktima kishte bërë kallëzim ndaj tij për dhunë dhe kërcënime në familje, por autoritetet nuk kishin mundur ta arrestonin 43-vjeçarin. Ndërsa gruaja kishte refuzuar akomodimi për strehim.
Raportimet bëjnë me dije se në orët e para të mëngjesit, 43-vjeçari ka mbërritur në shtëpinë e gruas i armatosur me armë gjahu. Vajza e tij 13-vjeçare e pa atë dhe bërtiti. Një fqinj nga kati i sipërm, duke dëgjuar britmat, zbriti dhe pa burrin me armë gjahu, duke kuptuar rrezikun e afërt dhe u përpoq ta ndalonte.
Në atë moment gruaja po kthehej në shtëpi me makinën e saj. I tërbuar dhe i vendosur, burri u hodh nga ballkoni në pjesën e përparme të makinës ku fillimisht ka qëlluar nga xhami i përparmë dhe më pas përsëri nga dritarja, duke vrarë guan. Më pas autori shkoi pas makinës dhe kreu vetëvrasje. Mëoshet se më 12 maj të vitit të kaluar, autori ishte arrestuar pas denoncimit të gruas së tij të larguar për dhunë në familje, fyerje, kanosje dhe lëndim trupor. Ai doli në gjyq dhe u shpall i pafajshëm.
