Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
BOTA
Falja presidenciale e Hunter Biden, reagon Trump: Shpërdorim i sistemit gjyqësor! A përfshin falja edhe pengjet e 6 janarit?
n.fPërditësimi i fundit 2 Dhjetor 2024, 09:00
Trump
SHBA- Presidenti i sapozgjedhur i Shteteve të Bashkuara, Donald Trump ka reaguar në lidhje me vendimin presidentit Joe Biden për të falur djalin e tij, Hunter Biden. Në një postim në platformën Truth Social, Trump shprehu pakënaqësinë e tij të fortë, duke e cilësuar atë një shpërdorim të pushtetit. Trump shtoi se në faljen presidenciale të Hunter a përfshihen edhe të arrestuarit e 6 janarit ndërsa theksoi se ata u mbajtën peng disa vite me rradhë.
Të arrestuarit e 6 janarit janë mbështetës të Trump të akuzuar ose të dënuar për përfshirjen e tyre në sulmin në Kapitol më 6 janar 2021. Disa nga të arrestuarit në lidhje me dhunën që shpërtheu atë ditë mbeten në paraburgim ose janë duke vuajtur dënime me burg.
"A përfshin falja e Joe Hunter dhe pengjet e 6 janarit, të cilët janë mbajtur rob për vite me radhë? Një shpërdorim i tillë (i sistemit gjyqësor) dhe gabim i drejtësisë,” ka shkruar Trump.
Presidenti amerikan, Joe Biden njoftoi të dielën se i dha falje presidenciale djalit të Hunterit, i cili priste të mësonte dënimet e tij, për dy raste që përfshinin armëmbajtje pa leje dhe evazion fiskal. Biden ishte shprehu vazhdimisht se nuk do të vazhdonte me dhënien e faljes presidenciale për djalin e tij. Shtëpia e Bardhë e ripohoi këtë në shtator. Hunter Biden, 54 vjeç, u deklarua fajtor në shtator në një gjykatë në Los Anxhelos për mashtrim tatimor, duke shmangur një gjyq të ri.
Ish-avokati dhe biznesmeni, i cili tashmë ka vendosur t'i përkushtohet pikturës, përballej me akuzat e mashtrimit fiskal dhe evazionit fiskal, pasi nuk kishte paguar taksat e detyrueshme në nivel federal nga viti 2016 deri në vitin 2019, në shumën 1.4 milionë. dollarë, ndërsa në të njëjtën kohë shpenzon pamatur për drogë, seks dhe mallra luksi.
Në fillim të këtij viti, ai u deklarua fajtor për akuzën e deklarimit të rremë se nuk ishte i varur nga droga kur blinte një pistoletë, një krim në bastionin e Biden të Delaware. Ai priste të mësonte dënimet për dy rastet në dhjetor. Babai i tij argumentoi se që nga dita që mori detyrën, tha se nuk do të ndërhynte në vendimmarrjen e Ministrisë së Drejtësisë dhe e mbajti fjalën, edhe pse e pa djalin e tij të vuante ndjekje selektive dhe të padrejta.
