Kryetari i Partisë Demokratike, Sali Berisha, ka shpërthyer me akuza dhe fyerje ndaj deputetit socialist Blendi Klosi gjatë seancës plenar...
BOTA
Koreja e Veriut “kërcënon” SHBA për nëndetëset bërthamore, motra e diktatorit Kim Jong: Biden, plak pa të ardhme
PiranjatPërditësimi i fundit 29 Prill 2023, 12:29
Marrëveshja mes Uashingtonit dhe Seulit për dërgimin e nëndetëseve bërthamore amerikane në Korenë e Jugut, për të parën herë në 4 dekadat e fundit, ka acaruar Penianin.
Diktatori Kim Jong-un nuk doli vetë, por nxorri të motrën të reagojë ashpër për marrëveshjen e arritur në Uashington më herët gjatë kësaj jave, mes presidentëve Joe Biden dhe Jun Suk Jeol.
Kim Jo-Jong shpërtheu në fyerje për Biden-in, të cilin në një deklaratë të publikuar nga mediat e vendit komunist, e quajti “një plak pa të ardhme”.
35-vjeçarja thotë se shtimi i pranisë amerikane në gadishullin korean e bën edhe më të rrezikshme situatën e sigurisë në rajon dhe në botë. Peniani paralajmëroi se marrëveshja shton të drejtën e Koresë së Veriut për të zgjeruar arsenalin bërthamor.
Marrëveshja mes Shteteve të Bashkuara dhe Koresë së Jugut kishte për qëllim të vetëm, forcimin e mbrojtjes për aleatin amerikan, përballë kërcënimit të një fuqie bërthamore si Koreja e Veriut.
Kim Jo-jong, motra e Kim Jong-unit po fiton gjithnjë e më shumë pushtet në Korenë e Veriut dhe konsiderohet si pasardhësja e mundshme e diktatorit.
