Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
BOTA
'Më sillni Noor'/ Familja e vajzës pesëvjeçare të vrarë në sulmin izraelit në qytetin e Gazës kërkon në rrënoja
PiranjatPërditësimi i fundit 22 Shtator 2025, 18:01
Një vajzë pesëvjeçare palestineze u vra dhe disa të tjerë u plagosën pasi një sulm ajror izraelit goditi një ndërtesë banimi në qytetin e Gazës të hënën.
Zjarr dhe tym i dendur dela nga ndërtesa e dëmtuar, ndërsa ekipet palestineze të Mbrojtjes Civile luftojnë me flakët dhe banorët shihen duke kërkuar të mbijetuar nën rrënoja. Midis tyre ishte Nidal Daloul, vajza e të cilit, Noor, u gjet nën rrënoja, por më vonë vdiq në një ambulancë.
Daloul tha se familja e tij ishte larguar nga shtëpia e tyre në lagjen “Zeitoun” pasi ajo u shkatërrua në një sulm i mëparshëm. Gati dy vjet pas fillimit të luftës, Izraeli e përshkruan Qytetin e Gazës si bastionin e fundit të Hamasit. Ushtria izraelite ka shembur blloqet e banesave që thotë se po përdoreshin nga grupi militant që kur Izraeli nisi sulmin tokësor në qytet këtë muaj.
Të hënën, banorët thanë se tanket izraelite kishin përparuar më thellë në zonën Sheikh Radwan dhe Rrugën Jala në veri të qytetit të Gazës, ku ndodhen dy spitalet, ndërsa në Tel Al-Hawa në juglindje tanket kanë hyrë më thellë në drejtim të pjesëve perëndimore të qytetit.
Autoritetet lokale të shëndetësisë thanë se të paktën 25 persona u vranë nga zjarri izraelit të hënën në të gjithë enklavën, shumica e tyre në qytetin e Gazës. Fushata dyvjeçare e Izraelit ka vrarë më shumë se 65,000 palestinezë, shumica e tyre civilë, sipas autoriteteve shëndetësore të Gazës, dhe ka përhapur urinë, ka shembur shumicën e ndërtesave dhe ka zhvendosur pjesën më të madhe të popullsisë së territorit, në shumë raste disa herë.
