Janë zbuluar emra të tjerë që policia dhe prokuroria e Tiranës, i ka vënë në hetim, lidhur me mashtrimin e bursave onl...
BOTA
Mori 284 milionë euro ryshfet për 30 vite, Kina dënon me vdekje ish-zyrtarin e lartë
PiranjatPërditësimi i fundit 7 Korrik 2026, 20:52
Autoritetet kineze kanë dhënë një nga dënimet më të rënda të viteve të fundit në luftën kundër korrupsionit. Më 7 korrik 2026, Gjykata e Ndërmjetme Popullore e Changzhou-t dënoi me vdekje ish-zëvendësdrejtorin e Zonës së Zhvillimit Ekonomik dhe Teknologjik të Nanjingut, Yang Youlin, pasi u shpall fajtor për marrjen e ryshfeteve me vlerë mbi 2.21 miliardë juanë, ose rreth 284 milionë euro.
Sipas vendimit të gjykatës, Yang përfitoi ryshfete për 30 vite, nga 1993 deri në vitin 2023, duke shfrytëzuar postin e tij për të favorizuar kompani dhe individë në tendera publikë, projekte infrastrukturore, dhënie tokash, leje zhvillimi, financime dhe investime.
Përveç akuzës për ryshfet, ai u shpall fajtor edhe për përvetësim fondesh publike, shpërdorim detyre, pastrim parash dhe abuzim me pushtetin, vepra që sipas gjykatës i kanë shkaktuar dëme të mëdha interesit publik dhe financave të shtetit.
Gjykata urdhëroi gjithashtu konfiskimin e të gjitha pasurive personale të ish-zyrtarit, ndërsa autoritetet do të vijojnë procedurat për rikuperimin e çdo pasurie të përfituar në mënyrë të paligjshme.
Kërkoi mëshirë, por gjykata nuk e fali
Gjatë procesit gjyqësor, Yang Youlin pranoi akuzat, shprehu pendesë dhe kërkoi një dënim më të butë. Megjithatë, gjykata arriti në përfundimin se përmasat e korrupsionit, shuma rekord e ryshfeteve dhe kohëzgjatja e aktivitetit kriminal nuk linin vend për lehtësim të dënimit.
Rasti i Yang Youlin është pjesë e fushatës së gjerë kundër korrupsionit të ndërmarrë nga autoritetet kineze ndaj zyrtarëve të lartë. Vitet e fundit, qindra funksionarë janë hetuar dhe dënuar për korrupsion, ndërsa në rastet më të rënda, si ky, gjykatat kanë vendosur edhe dënimin me vdekje, duke e konsideruar korrupsionin në shkallë të tillë një kërcënim serioz për interesin publik dhe sigurinë ekonomike të vendit.
