Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
BOTA
Ndërprerja e financimit për mediat publike/ Donald Trump: Jepini fund subvencioneve, janë të tmerrshme dhe plotësisht të anshme
m.lPërditësimi i fundit 2 Maj 2025, 10:57
SHBA- Ndërprerja e financimit për dy mediat publike amerikane, rrjetin televiziv PBS dhe stacionin radiofonik NPR, u kërkua me anë të një dekreti presidencial të nënshkruar nga Donald Trump, duke i dhënë një urdhër përkatës organit që menaxhon subvencionet federale për transmetimet publike.
"Po i drejtoj Bordit të Drejtorëve të CPB-së dhe të gjitha departamenteve dhe agjencive ekzekutive që të ndërpresin financimin federal të NPR-së dhe PBS-së. Asnjë media nuk ka të drejtë të garantuar kushtetuese për financim publik", shkruhet në tekst.
Buxheti i CPB-së është miratuar tashmë nga Kongresi deri në vitin 2027, gjë që ngre dyshime rreth fushëveprimit të vërtetë të urdhrit të Trump, i cili i kërkon bordit të drejtorëve të agjencisë që jep grante të "anulojë financimin aktual të drejtpërdrejtë në masën më të plotë të lejuar nga ligji dhe të refuzojë të ofrojë fonde në të ardhmen", e tmerrshme dhe plotësisht e anshme.
Donald Trump i kishte kërkuar Kongresit në fund të marsit të ndalonte financimin publik për këto dy media, të cilat ai i përshkroi si "rrjete të tmerrshme dhe plotësisht të anshme". Në përgjithësi, dekreti vëren se, megjithëse financimi federal i medias ishte i justifikuar kur u krijua CPB në vitin 1967, sot "në një peizazh mediatik të pasur, të larmishëm dhe inovativ" ai është bërë "i vjetëruar, i panevojshëm" dhe "gërryes për imazhin e gazetarisë së pavarur". Stacioni publik radiofonik amerikan
NPR arrin mbi 40 milionë dëgjues çdo javë , ndërsa shikuesit e një rrjeti televiziv lokal PBS arrijnë 36 milionë çdo muaj, sipas vlerësimeve të këtyre mediave.
Drejtoresha e NPR-së, Kathryn Maher, vlerësoi në mars se stacioni radiofonik do të merrte rreth 120 milionë dollarë nga CPB në vitin 2025, "më pak se 5% të buxhetit të tij".
Ky vullnet i qeverisë amerikane është pjesë e angazhimit të saj për të ulur në mënyrë drastike shpenzimet publike, dhe në lidhje me median, angazhimin e saj për të çmontuar sektorin publik të transmetimit amerikan jashtë vendit dhe stacionet radiofonike të Zërit të Amerikës, Radios së Azisë së Lirë dhe Radios së Evropës së Lirë/Radio Lirisë.
Organizata joqeveritare franceze “Reporterët pa Kufij” (RSF ) denoncoi sot një “përkeqësim shqetësues” të lirisë së shtypit në Shtetet e Bashkuara.
