Kryetari i PD-së, Sali Berisha i bëri thirrje maxhorancës të anulojë një anti-miting të paralajmëruar për ta mbaj...
BOTA
"Numri i rasteve alarmente", raporti: Pas pandemisë është rritur ndjeshëm diabeti i tipit 1 tek fëmijët nën 5 vjeç
n.fPërditësimi i fundit 19 Qershor 2024, 09:01
Foto ilustruese
SUEDI- Numri i fëmijëve të moshës nën pesë vjeç me diabet të tipit 1 është rritur ndjeshëm vitet e fundit, tha sot një organizatë bamirëse, duke theksuar se pandemia Covid-19 mund të jetë shpjegimi. Sipas një raporti të ri nga Fondi për Diabetin e Fëmijëve, 460 fëmijë po trajtoheshin për diabetin e tipit 1 në vitin 2022, një rritje prej 62% krahasuar me vitin 2018 (283 fëmijë). Pothuajse 1/3 e këtyre fëmijëve kanë nevojë për kujdes intensiv kur sëmuren, shkruan organizata joqeveritare në një komunikatë për media.
Diabeti i tipit 1 është një sëmundje kronike autoimune në të cilën trupi nuk prodhon insulinë, ndërsa diabeti i tipit 2 është një sëmundje ku trupi nuk prodhon mjaftueshëm insulinë.
“Është alarmante të zbulosh se diabeti i tipit 1 po prek gjithnjë e më shumë fëmijët e vegjël. Ne duhet të mendojmë se si ta trajtojmë këtë, si në nivelin e hulumtimit ashtu edhe në nivelin e trajtimit (të propozuar)”, tha studiuesi Ake Lernmark në një raport të publikuar nga bamirësia.
Sëmundjet virale shpesh i paraprijnë diabetit të tipit 1, shkruan organizata, e cila thekson se kjo rritje e rasteve në Suedi përkoi me pandeminë Covid-19. Fëmijët e vegjël të infektuar me virusin janë më të prekshëm ndaj zhvillimit të këtij lloji të diabetit nëse nëna nuk ka pasur kurrë Covid para se të lindë fëmijën.
Nëse nëna ka qenë e infektuar më parë ose nëse është vaksinuar, rreziqet që fëmija të zhvillojë këtë sëmundje janë më të ulëta.
“Tek disa fëmijë, Covid-19 mund të ketë shkaktuar zhvillimin e një antitrupi të parë”, theksoi Lernmark në raport.
Edhe para pandemisë, numri i rasteve të diabetit të tipit 1 po rritej dhe ritmi i ngadaltë i rritjes i parë gjatë dekadave mund të lidhet me viruse të tjera të ftohjes. Lidhja mes rasteve të diabetit dhe Covid-19 pritet të zbehet pasi popullata bëhet imun.
Organizata Child Diabetes Fund (Barndiabetesfonden) është financuesi më i madh i Suedisë për kërkimin e diabetit të tipit 1 dhe mbështet studimet që synojnë parandalimin, trajtimin ose reduktimin e incidencës së diabetit të tipit 1, thotë ai.
