Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
Opozita italiane ankesë për përdorimin e imazheve 'raciste' të inteligjencës artificiale nga partia e ekstremit të djathtë
n.fPërditësimi i fundit 18 Prill 2025, 22:38
ITALI- Partitë e opozitës në Itali janë ankuar për një seri imazhesh të krijuara nga AI të publikuara në mediat sociale nga partia e ekstremit të djathtë e zëvendëskryeministrit Matteo Salvini, duke i quajtur ato “raciste, islamofobike dhe ksenofobike”.
Partia Demokratike e qendrës së majtë (PD), me Aleancën e Gjelbërve dhe të Majtë, paraqiti një ankesë të enjten pranë Agcom, autoritetit rregullator të komunikimeve italiane, duke pretenduar se imazhet e rreme përmbanin "pothuajse të gjitha kategoritë e gjuhës së urrejtjes".
Gjatë muajit të kaluar, dhjetëra fotografi me sa duket të krijuara nga AI janë shfaqur në kanalet sociale të partise, duke përfshirë Facebook, Instagram dhe X. Imazhet shpesh përshkruajnë burra me ngjyrë, shpesh të armatosur me thika, duke sulmuar gra ose oficerë policie.
Antonio Nicita, një senator i PD, tha se në imazhet e publikuara nga partia e Salvinit dhe të gjeneruara nga AI, gjenden pothuajse të gjitha kategoritë e gjuhës së urrejtjes, nga racizmi dhe ksenofobia te islamofobia.
"Këto imazhe nuk janë vetëm të dhunshme, por edhe mashtruese: duke turbulluar fytyrat e viktimave është sikur ata duan të mbrojnë identitetin e personit të sulmuar, duke i mashtruar përdoruesit të besojnë se fotografia është e vërtetë. Këto janë imazhe që nxisin urrejtje," tha ai.
Një zëdhënës i partisë së Salvinit konfirmoi se "disa nga fotot" e paraqitura në kanalet e tyre të mediave sociale ishin "gjeneruar në mënyrë dixhitale". Salvatore Romano, kreu i kërkimit në organizatën jofitimprurëse AI Forensics, tha se fotografitë mbanin "të gjitha shenjat dalluese të inteligjencës artificiale".
"Ato janë foto jashtë kontekstit në të cilat subjekti është në plan të parë dhe pjesa tjetër është tërësisht e paqartë. Ajo që më shqetëson është se këto imazhe të krijuara nga AI po bëhen gjithnjë e më realiste," tha ai.
Ankesa drejtuar Agcom citon disa shembuj të imazheve që mendohet se janë krijuar në mënyrë dixhitale, duke thënë se ato janë shfaqur së bashku me markën e mediave kryesore me reputacion, të cilat kanë raportuar mbi krimet e përmendura, por nuk kanë përdorur imazhe të autorëve të dyshuar.
Nëse Agcom e konsideron fyese përmbajtjen e shënuar, mundet, sipas Aktit të Shërbimeve Dixhitale të BE-së, të urdhërojë që të hiqen postimet, të hiqen llogaritë dhe të gjobiten platformat e mediave sociale për dështimin në policimin e sjelljes së përdoruesve.
