Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
Pas Bosnje-Hercegovinës Rutte viziton Kosovën, më 11 mars në Prishtinë me zv.sekretaren e NATO-s, takim me Kurtin dhe Osmanin
n.fPërditësimi i fundit 7 Mars 2025, 20:00
KOSOVË- Sekretari i Përgjithshëm i NATO-s, Mark Rutte do të vizitojë më 11 mars Kosovën. Vizita e Rutte në Kosovë është njoftuar zyrtarisht nga NATO. Mësohet se ai do të shkojë në Prishtinë bashkë me zëvendëssekretaren e Përgjithshme të NATO-s, Radmila Shekerinska. Së bashkua raportohet se ata do të do të vizitojnë KFOR-in dhe Ekipin Këshillues dhe Ndërlidhës të NATO-s, NALT.
Rutte gjithashtu do të takohet edhe me presidenten e Kosovës Vjosa Osmani dhe kryeministrin e Kosovës, Albin Kurti për diskutime dypalëshe. Me Osmanin, Rutte do të mbajë një konferencë të përbashkët për media në orën 14:50.
Përveç krerëve të shtetit, Rutte së bashku me ambasadorët nga partnerët kontribuues të trupave të KFOR-it do të zhvillojnë takim edhe komandantin e KFOR-it, gjeneralmajor Enrico Barduani dhe drejtorin e NALT-it, gjeneral brigade Christian Nawrat, si dhe do të kenë mundësinë të angazhohen me personelin e KFOR dhe NALT.
“Ata gjithashtu do të kenë një shkëmbim me shefat e misionit të Bashkimit Europian, ambasadorin Aivo Orav dhe Misionit të BE-së për Sundimin e Ligjit në Kosovë (EULEX), Gjeneral Major Giovanni Barbano, Përfaqësuesen Speciale të Sekretarit të Përgjithshëm të OKB-së dhe Shefen e Misionit të UNMIK-ut, znj. Caroline Ziadeh dhe ushtruesen e detyrës së Shefes së Misionit të OSBE-së, znj. Cornelia Taylor”, thuhet në njoftimit e NATO-s.
