Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
BOTA
Pas takimit me Marco Rubio dhe kërcënimeve të Trump, presidenti i Panamasë njofton ndërprerjen e një marrëveshje tregtare dhe zhvillimi me Kinën
r.llPërditësimi i fundit 3 Shkurt 2025, 19:19
kanali
PANAMA- Presidenti i Panamasë, José Raul Mulino, ka njoftuar se nuk do ta rinovojë një marrëveshje tregtare dhe zhvillimi me Kinën. Vendimi vjen pas kërcënimeve dhe akuzave të presidentit Donald Trump se kinezët po kontrollin e Kanalit të Panamasë.
Mulino njoftoi se nuk do të rinovojë pjesëmarrjen e Panamasë në Iniciativën e Brezit dhe Rrugës së Kinës pasi të skadojë marrëveshja aktuale, pas një takimi me Sekretarin e Shtetit të SHBA Marco Rubio të dielën.
Pse është me rëndësi ky vendim?
Trump ka sugjeruar vazhdimisht se SHBA duhet të kërkojë kthimin e Kanalit të Panamasë nëse Panamaja nuk ul tarifat që u ngarkon anijeve amerikane. Ai gjithashtu ka akuzuar Kinën për kontrollin e rrugës kryesore të tregtisë globale.
Njoftimi i Mulino-s se Panamaja nuk do të rinovojë një memorandum mirëkuptimi të vitit 2017 për të marrë pjesë në Iniciativën e Kinës "Një brez dhe një rrugë", pritet të qetësojë Trumpin mes kërcënimeve të tij për hakmarrje, nëse nuk redukton ndikimin e Kinës.
Çfarë është marrëveshja "Një brez dhe një rrugë"?
Iniciativa e Kinës "Belt and Road" është një strategji globale e zhvillimit të infrastrukturës që synon të rrisë tregtinë, investimet dhe bashkëpunimin ekonomik duke ndërtuar infrastrukturë në të gjithë Azinë dhe pjesë të tjera të botës. Nisma është kritikuar për ngarkimin e vendeve pjesëmarrëse me borxhe, pasi shumë luftojnë për të shlyer kreditë kineze për projekte në shkallë të gjerë. Më shumë se 150 vende dhe 30 organizata ndërkombëtare kanë nënshkruar marrëveshje për të marrë pjesë. Panamaja tani ka njoftuar se do të tërhiqet nga marrëveshja e saj fillestare për të qenë pjesë e Iniciativës Brez dhe Rrugë dhe synon të punojë më ngushtë me SHBA-në.
Duke folur me gazetarët të dielën, Mulino tha se takimi i tij me Rubion hap rrugën për ndërtimin e marrëdhënieve të reja dhe rritjen e investimeve të mundshme të SHBA në Panama, shkruajnë mediat e huaja.
Në një seri postimesh në X, më parë në Twitter, Rubio tha se SHBA duhet të qëndrojë vigjilente në mbrojtjen e Kanalit të Panamasë nga Partia Komuniste Kineze dhe se SHBA nuk mund dhe nuk do të lejojq kontrollin në rritje të Kinës mbi kanalin. Kanali i Panamasë u transferua nga kontrolli i SHBA në Panama në 1999 sipas një traktati të nënshkruar në 1977 nga Presidenti Jimmy Carter .
Zëdhënësja e Departamentit të Shtetit Tammy Bruce tha se Panamaja rrezikon të shkelë Traktatin në lidhje me Neutralitetin e Përhershëm dhe Operacionin e Kanalit të Panamasë duke lejuar ndikimin kinez. Trump bëri një pretendim të ngjashëm të dielën, duke paralajmëruar se diçka shumë e fuqishme mund të ndodhë nëse Panamaja shkel traktatin.
Mulino tha se Rubio nuk bëri asnjë kërcënim real për rimarrjen e kanalit ose përdorimin e forcës gjatë takimit të tyre. Ai shtoi se nuk ndjehej sikur ekziston një kërcënim real kundër traktatit dhe vlefshmërisë së tij. Kina ka mohuar të gjitha akuzat se ka ndonjë rol në funksionimin e Kanalit të Panamasë. Mulino dha gjithashtu një përditësim pasi Panama tha kohët e fundit se do të auditonte një kompani nga Hong Kongu që operon dy terminale pranë Kanalit të Panamasë. Lëvizja u pa si një mënyrë për të minimizuar frikën e Trump për ndikimin kinez në Kanalin e Panamasë.
Hutchison Ports, një degë e konglomeratit me bazë në Hong Kong, CK Hutchison Holdings, rinovoi një kontratë me Panamanë duke e lejuar atë të operojë këto porte deri në vitin 2046. Kontrata mund të revokohet në varësi të gjetjeve të auditimit ose të nisë një proces i ri tenderimi.
Çfarë ndodh pas vendimit të Panamasë?
Panamaja mund të tërhiqet nga Iniciativa Kineze Belt and Road përpara se të skadojë marrëveshja aktuale. Është e paqartë nëse Trump do të ishte i kënaqur nëse Hutchison Ports do të zëvendësohej me një kompani amerikane ose evropiane.
