Të rinjtë protestues kanë refuzuar thirrjet për dialog me kryeministrin Edi Rama.
Gjatë protestës, studentët kanë p&e...
BOTA
Skandal në Itali: Infermieri regjistronte praninë në punë dhe shkonte të punonte në supermarket
PiranjatPërditësimi i fundit 16 Mars 2026, 14:20
Një infermier në Toskanë, në qytetin e Massës, kishte ndërtuar një jetë të dyfishtë.
Ndërsa zyrtarisht punonte si asistent në shtëpitë e pacientëve, në shumë raste ai nuk paraqitej fare për të kryer shërbimin.
Burri, sot 68 vjeç, u përball me drejtësinë në vitin 2015, kur u kap në një supermarket në orarin kur duhej të ishte në punë. Ai kishte regjistruar praninë në punë, por në vend që të kujdesej për pacientët, po merrej me sistemimin e mallrave dhe me punë kontabiliteti në supermarket.
Sipas hetimeve, kjo nuk ishte hera e parë që ndodhte një gjë e tillë. Dy jetë në një qytet shumë të vogël. Historia u bë edhe më e habitshme për faktin se gjithçka ndodhte në një qytet të vogël, ku ishte e vështirë të fshiheshin veprime të tilla.
Për më tepër, familjarët e pacientëve kishin nisur prej kohësh të ankoheshin për mungesat dhe vonesat e shpeshta të infermierit. Një nga pacientët tregoi në gjykatë: “Nëna ime kishte nevojë për asistencë në shtëpi. ASL duhej të dërgonte një infermier, por ai nuk paraqitej gjithmonë.” Sipas raportimit të Corriere Fiorentino, në vitin 2015 burri u arrestua me akuzën e mashtrimit dhe keqpërdorimit të fondeve publike.
Pas një procesi të gjatë gjyqësor, ai u shpall fajtor dhe tani duhet t’i paguajë rreth 70 mijë euro dëmshpërblim ASL-së, përveç interesave dhe shpenzimeve ligjore. Infermierin e kishin kapur disa herë gjatë orarit të punës duke punuar në supermarket. Disa raportime nga qytetarët kishin ngritur dyshimet dhe kishin vënë në alarm autoritetet shëndetësore.
Dënimi me 18 muaj burg
Pas kapjes në flagrancë teksa po sistemonte mallrat në supermarket, ndaj tij u hap proces penal në Gjykatën e Massës. Çështja përfundoi në vitin 2022 dhe më 29 maj 2024 vendimi u bë përfundimtar nga Gjykata e Kasacionit: infermieri u shpall fajtor dhe u dënua me 18 muaj burg, si dhe me dëmshpërblim për kompaninë shëndetësore që ishte bërë palë civile. Përdorte edhe makinën e punës Dëmi financiar u llogarit nga Gjykata e Llogarive, e cila e detyroi të kompensojë ASL-në si për dëmin ekonomik, ashtu edhe për dëmtimin e imazhit.
Hetimet zbuluan gjithashtu se infermieri përdorte makinën e punës për të shkuar në supermarket, ndërkohë që rezultonte i regjistruar në shërbim për vizitat te pacientët, të cilat shpesh nuk i kryente ose i bënte me vonesë.
Për të mbuluar mungesat e tij, në disa raste ai kërkonte nga kolegët që ta zëvendësonin./Piranjat News
