Teksa pritet që të nisë pas pak protesta e qytetarëve para bulevardit Dëshmorët e Kombit, policia ka marrë masa.
Siç ...
EDITORIAL
A na përfaqësojnë këta këshilltarë?
PiranjatPërditësimi i fundit 22 Shtator 2025, 21:41
Pas publikimit nga Piranjat të skandalit të skemës masive të zhvatjes së qytetarëve nga inspektorët e DPTTV Tiranë, ku me gojën e tyre implikohen edhe vëllezërit Qefalia në manipulim të vullnetit të zgjedhësve, ende vijon heshtja shurdhuese e këshilltarëve bashkiakë opozitarë.
Ajo që kemi parë në media apo rrjete sociale është se këshilltarë të Partisë Demokratike si Jonathan Pano ngrenë zërin për çështje ndërkombëtare si konservatorizmi apo vrasja e Charlie Kirk. Dorian Telitin që kërkon mbledhje urgjente për Veliaj në një kohe kur dihet që ai do të shkarkohet. Ngjashëm edhe Ilda Zhulali.
Beti Njumën për agjërimin me Raz Degan. Për të vazhduar me Partinë e Lirisë të cilën nuk e dimë as kush e përfaqëson dhe aq më pak cilat kauza mbron. Nga partitë e reja, Mirela Ruko e Lëvizjes Bashkë poston për minatorët e Dibrës apo Endri Shabani i Nismës Thurje për bursën e të fejuarës së tij.
Ama në gjykimin tonë është interes i DREJTPËRDREJTË i qytetarëve të Tiranës dhe më aktual se kurrë denoncimi i grabitjes së organizuar shtetërore, e gjitha nën hijen e propagandës së çlirimit të hapësirave publike se qenka pengesë e pakapërcyeshme për integrimin në BE. Shpërfaqja e identitetit ideologjik, konservator apo liberal, kapitalist apo socialist qoftë është e rëndësishme.
Ama në raste të tilla të abuzimit flagrant, nëse identiteti politik nuk përkthehet në veprim institucional. Rasti i përkryer për këtë do ishte ngritja e një komisioni hetimor në ditën e nesërme, në vend të debatit shterpë mbi shkarkimin e Erion Veliajt.
Çdo gjë tjetër mbetet retorikë boshe dhe sipërfaqësore.
