Të rinjtë protestues kanë refuzuar thirrjet për dialog me kryeministrin Edi Rama.
Gjatë protestës, studentët kanë p&e...
INVESTIGIME
IMT e Malësisë së Madhe gjobit me 500 mijë lekë qytetaren për gardhin me leje! Drejtori: “Shko në gjykatë!”
PiranjatPërditësimi i fundit 21 Nëntor 2025, 22:44
Jemi në Razëm, aty ku na pret Marije Qarri, një zonjë e cila me mund dhe sakrifica ka blerë një tokë në Alpet magjike të veriut të vendit, me shpresën për ta gëzuar fëmijët e saj nesër. Por ndërkohë, në mes të betejës për të mbajtur tokën e blerë dhe me certifikatë pronësie, ajo është përballur edhe me një gjobë të padrejtë, të vendosur nga Inspektorati Vendor i Mbrojtjes së Territorit të Bashkisë së Malësisë së Madhe.
Gjoba, në vlerën e 500 mijë lekëve të vjetra, iu vendos për rrethimin e tokës që ajo gëzon me certifikatë pronësie dhe madje me një leje të lëshuar nga Njësia Administrative e Shkrelit.
Në leje specifikohet qartë se kemi të bëjmë me pikën e sistemimit të oborrit dhe zëvendësimin e gardhit të vjetër me një të ri, por kjo nuk i ka bindur aspak inspektorët e IMT-së, të cilët kanë vendosur gjobën. Ndërkohë, ditën kur inspektorët e IMT zbarkuan në tokën e saj dhe nisën “betejën” me gardhin, tre fqinjët e saj nuk qëndruan duarlidhur: ata i shkulën rrjetën dhe madje kërcënuan Marijen dhe bashkëshortin e saj.
Kjo është një çështje që i përket autoriteteve, ndërsa të tre janë shoqëruar në komisariat dhe janë tashmë nën hetim. Ndërkohë, gjoba e IMT duhet paguar nga gruaja, pavarësisht se më parë ajo kishte marrë një leje nga Njësia Administrative e Shkrelit.
Gjatë takimit me drejtorin e IMT në Bashkinë e Malësisë së Madhe, ky i fundit na e pret shkurt, duke dhënë sipas tij “zgjidhjen” më të lehtë, atë të drejtimit drejt dyerve të gjykatës.
Pra, për të nisur një betejë ligjore që zgjat me vite dhe me një kosto disa herë më të madhe se vetë gardhi — vetëm sepse në momentin e inspektimit, inspektorët nuk kanë pyetur fare nëse Marija kishte apo jo leje për punimet që po kryente.
Ndërkohë, kreu i Bashkisë së Malësisë së Madhe, Tonin Marinaj, nuk denjon të japë përgjigje, duke shtyrë derën dhe duke u mbyllur brenda në zyrë. Ndërsa Marija ngre akuza ndaj bashkisë, e cila sipas saj po i nxit në konfliktin me komshinjtë, pavarësisht se ajo disponon çdo dokument që vërteton se toka është e saj.
Në këto kushte lind pyetja: Kush e bën ligjin në Malësinë e Madhe? Maliqi apo e vërteta?/Piranjat.news
Të gjitha të drejtat e këtij materiali janë pronë ekskluzive dhe e patjetërsueshme e Piranjat.al sipas ligjit Nr. 35/2016 “Për të drejtën e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi pa autorizimin e Piranjat.al në të kundërt çdo shkelës do të mbajë përgjegjësi
