Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
INVESTIGIME
Një javë pa ashensor, ngërçi institucional që rëndoi pacientët në QSUNT
b.zPërditësimi i fundit 7 Qershor 2024, 21:52
Foto ilustruese
TIRANË - Prej një jave shërbimi i ashensorit në repartin e neurologjisë në Qendrën Spitalore Universitare Nënë Tereza ka munguar. “Piranjat” bën një vëzhgim disa ditor dhe vunë re se për shkak të kësaj, pacientët merreshin në krahë me barrela dhe karroca e transportoheshin në katet më sipër. Sipas stafit të neurologjisë, ashensori ishte prishur për shkak se ishte këputur një kavo.
Ndërkohë i gjithë ky ngërç, i cili nuk u zgjidh për një javë me radhë, ka ardhur për shkak të mungesës së një tenderi. Në muajin janar QSUNT, shpalli procedurën e prokurimit “Mirëmbajtje dhe riparim ashensorësh për 24 muaj”, por në muajin shkurt, ky tender u anulua me pretendimin se nuk kishte asnjë ofertë të suksesshme.
Prej asaj kohe, pati edhe disa ndryshime në strukturën e institucionit. Albana Fico u largua nga drejtimi i QSUNT dhe vendin e saj e zuri Alma Cani në muajin mars. Pavarësisht se i janë bërë gati 3 muaj në këtë pozicion ajo nuk ka bërë asnjë tender deri më tani për mirëmbajtjen e ashensorëve. Në një përballje me Piranjat këtë gjë ajo e justifikoi me faktin se është e re në
detyrë. Ndërkohë pas kësaj përballjeje, Piranjat zbuluan se ashensorët në QSUNT ishin rregulluar, edhe pse nuk ka ende asnjë kontratë për riparimin e tyre. Zyra e medias pranë këtij institucioni tha se QSUNT ka teknikët e vetë dhe se ashensorët kishin pasur nevojë vetëm për një restart, teksa stafi i neurologjisë pohoi që në fakt ishte këputur një kavo.
Por në rast se QSUNT ka vetë teknikë në strukturë, përse duhet të zhvillojë një tender për mirëmbajtjen dhe riparimin e ashensorëve? Në këtë rast, ose ish-drejtoresha ka zhvilluar tendera që nuk ka qenë të domosdoshëm, ose drejtoresha e re nuk e ka konsideruar si nevojë urgjente shërbimin e ashensorit dhe e ka lënë pas dore.
