Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
INVESTIGIME
Projekti “Sfera” do zëvendësojë ‘Asllan Rusin’, fitues doli “miku” i kryeministrit
PiranjatPërditësimi i fundit 17 Tetor 2025, 11:29
"Unë besoj se skuadrat finaliste të këtij konkursi do të na vënë në pozitë të vështirë për të përzgjedhur projektin më të mirë, sepse janë të gjitha skuadra me talente të jashtëzakonshme dhe kapacitete të provuara në shumë vende të tjera. Shqipëria sot është në kohën kur synon shumë lart, edhe në aspektin e pjesëmarrjes në kompeticione,"u shpreh kryeministri Edi Rama një ditë më parë gjatë aktivitetit për shpalljen e fituesit të Konkursit Ndërkombëtar për Rilindjen e Pallatit të Sporteve “Asllan Rusi”, ku 6 skuadra finaliste prezantuan projekt-idetë arkitekturore.
Por projektet nuk paskan qenë dhe aq kompetitive, pasi fitues është shpallur kompania MVRDV. Ky subjekt do të merret me projektin e Pallatit të Sportit “Asllan Rusi”.
Sipas dokumenteve, projekti është në formën e një sfere dhe do të përmbajë një fushë sporti në mes të saj, e rrethuar nga dyqane dhe hotele.
Nëse projekti i Stadiumit Kombëtar ka një kullë, krejt e kundërta ka ndodhur me “Asllan Rusin”. Fusha e sportit dhe shkallët do të jenë në mes të një qendre tregtare, e cila ka formën e një sfere ose të një topi basketbolli.
Piranjat.al kanë zbardhur se kush janë përfituesit. Kompania që është shpallur fituese është e njëjta që ka projektuar edhe Piramidën, duke vendosur kioska përreth saj. Ndërkohë, ajo është kontraktuar edhe nga një firmë private për ndërtimin e kullës te ish-“7 Xhuxhat”, ku pallati ka edhe hartën e Shqipërisë.
Projekti më kontrovers i kësaj studioje është “Tirana Rock”, pas Pallatit të Kulturës. Firma projektoi ndërtimin e një kulle me formën e heroit Skënderbeu, por pas ndërtimit, struktura ngjason më shumë me fytyrën e një UFO sesa me atë të heroit.
Bëhet e ditur se firma shqiptare që ka kontraktuar studion MVRDV është “Trema”. Pronari rezulton Ilir Trebicka, i cili ka përfituar një numër të lartë lejesh ndërtimi gjatë qeverisjes së kryeministrit Rama. Madje, Trebicka dhe vetë kryeministri kanë edhe një foto së bashku.
Konkursi ishte thjesht për sy e faqe — firmat e tjera morën pjesë, por fitues u shpallën të njëjtët “lojtarë”, si gjithmonë.
Të gjitha të drejtat e këtij materiali janë pronë ekskluzive dhe e patjetërsueshme e Piranjat.al sipas ligjit Nr. 35/2016 “Për të drejtën e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi pa autorizimin e Piranjat.al në të kundërt çdo shkelës do të mbajë përgjegjësi sipas nenit 179 të Ligjit 35/2016
