Pas refuzimit të përsëritur të studentëve dhe pedagogëve për t’u ulur në dialog me të, kryeministri Edi Ram...
INVESTIGIME
Investigimi i Piranjave/ Ish-nënkryetari sfidon ligjin me pikë gazi pa leje – banorët alarmohen, institucionet “heshtin”
PiranjatPërditësimi i fundit 13 Tetor 2025, 13:46
Disa ditë pas investigimit të emisionit “Piranjat” për pikën e paligjshme të gazit, në fshatin Suk 1 në Roskovec, e cila disponohet me dokumente nga z. Hamza Agaçi, vëllai i ish-nënkryetarit të Bashkisë Roskovec, z. Hysen Agaçi, askush nuk ka ndërhyrë.
Në redaksinë e “Piranjat.al” ka ardhur një denoncim nga banorët përreth, të cilët janë të alarmuar dhe kërkojnë ndihmë për zgjidhjen e këtij problemi.
Qytetari thekson se Hysen Agaçi e ka rihapur biznesin e tij, pasi ka mbështetjen e institucionit lokaL.
“Përshëndetje Piranjat! Dua të bëj një denoncim anonim për Hysen Agaçin, në fshatin Suk, bashkia Roskovec. I cili e ka rihapur përsëri biznesin e gazit, edhe pse Inspektoriati i Tiranës ia bllokoi. Ky rast është trajtuar edhe nga vetë emisioni juaj “Piranjat”, por megjithatë ai vazhdon ta mbajë hapur biznesin, sepse është i mbrojtur nga institucioni lokal. Ju lutem ta verifikoni përsëri këtë rast, sepse ligji duhet të zbatohet për të gjithë njësoj dhe nuk është e drejtë që disa persona të veprojnë mbi ligjin. Faleminderit për punën tuaj dhe për zërin që i jepni qytetarëve.”-thuhet në denocim.
Një rast flagrant që edhe pas publikimit me fakte dhe prova, institucionet ligj zbatuese zgjedhin të heshtin dhe të bëhen bashkëpuntorë me paligjshmërinë. Banorët të alarmuar kërkojnë ndërhyrjen e shtetit pasi ndihen të pasigurtë.
