Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
KOSOVA
Kurti takim me kryeministrin britanik Starmer, zbardhen diskutimet
PiranjatPërditësimi i fundit 22 Tetor 2025, 10:23
Pas përfundimit të Samitit të 12-të të Procesit të Berlinit në Londër, Kryeministri në detyrë i Kosovës, Albin Kurti, u takua me Kryeministrin e Mbretërisë së Bashkuar, Keir Starmer, në margjinat e ngjarjes.
Sipas një komunikate të Zyrës së Kryeministrit, Kurti shprehu vlerësimin e tij të lartë për udhëheqjen britanike dhe organizimin e suksesshëm të samitit, duke theksuar rolin e rëndësishëm të Mbretërisë së Bashkuar në fuqizimin e bashkëpunimit rajonal, sigurisë dhe paqes.
Gjatë bisedës, u diskutuan disa nga temat kryesore të samitit, përfshirë sigurinë, rritjen ekonomike dhe migracionin, si dhe mundësitë për thellimin e bashkëpunimit në fusha me interes të përbashkët, si, energjia, infrastruktura, edukimi, dhe mbrojtja dhe siguria. Kryeministri Kurti theksoi veçanërisht bashkëpunimin me Mbretërinë e Bashkuar në fushën e mbrojtjes, duke nënvizuar se Kosova po vazhdon të investojë në këtë drejtim.
Ai gjithashtu falënderoi Mbretërinë e Bashkuar për vendimin që Forcat e Armatosura britanike të vazhdojnë mbështetjen për misionin paqeruajtës të NATO-s në Kosovë, KFOR, për të paktën tre vjet të tjerë.
