Sami Sheen, vajza e aktorit të njohur Charlie Sheen dhe aktores Denise Richards, ka reaguar publikisht ndaj pretendimeve se jeta e saj luksoze financohet...
Flakët në malin me mbetje në fshatin Halil, Fushë-Krujë, janë shuar nga reshjet e shiut, por zjarri vijon të jetë akti...
KOSOVA
Partneriteti i Kosovës me Britaninë, Kurti takim me sekretaren për Punë të Jashtme të Mbretërisë së Bashkuar
PiranjatPërditësimi i fundit 21 Tetor 2025, 18:07
Partneriteti i Kosovës me Mbretërinë e Bashkuar është thelbësor për mbrojtjen e Kosovës nga kërcënimet e luftës hibride të Rusisë, është deklaruar pas takimit të kryeministrit në detyrë, Albin Kurti, me sekretaren për Punë të Jashtme të Mbretërisë së Bashkuar, Yvette Cooper. Takimi u fokusua në disa tema të rëndësishme që do të diskutohen gjatë Samitit të Procesit të Berlinit në Londër, përfshirë sigurinë, rritjen ekonomike dhe migracionin, çështje kyçe për Ballkanin Perëndimor dhe Mbretërinë e Bashkuar.
Kryeministri Kurti është shprehur se siguria e Kosovës është e lidhur ngushtë me sigurinë e kufijve të saj dhe nënvizoi rëndësinë e partneritetit të ngushtë me Mbretërinë e Bashkuar për t'u mbrojtur nga ndikimet dhe luftën hibride të Rusisë, përfshirë këtu dezinformimin dhe financat e paligjshme. Ai gjithashtu ka thënë se investimet që po bën Kosova në fushat e inovacionit, arsimit dhe partneriteteve strategjike, duke vlerësuar bashkëpunimin me Britaninë e Madhe si një mundësi të rëndësishme për zhvillimin e vendit.
Kurti ka nënvizuar më tej se Kosova është një nga shtetet më demokratike dhe që po përjeton zhvillimin ekonomik më të shpejtë në rajon, sipas të dhënave nga Gallup dhe Transparency International. Ai theksoi prioritetin e Kosovës për anëtarësim në NATO dhe Bashkimin Evropian, duke shtuar se partneriteti me Mbretërinë e Bashkuar është një hap i rëndësishëm në rrugën për integrimin në Aleancën e Atlantikut të Veriut dhe për njohje të reja ndërkombëtare.
Kryeministri gjithashtu ka përmendur sulmin terrorist në Banjskë dhe shqetësimin për lënien në liri të sulmuesve, pavarësisht pranimit të fajit nga Milan Radoiçiq, duke e cilësuar këtë si një kërcënim të vazhdueshëm për sigurinë e Kosovës. Ai është shprehur gjithashtu se Kosova është shembull në mbrojtjen e të drejtave të pakicave dhe ka shprehur gatishmërinë e Kosovës për të ndihmuar Britaninë e Madhe në trajtimin e çështjes së migracionit.
Kurti ka treguar se të dyja palët po punojnë së bashku për forcimin e sigurisë kufitare dhe luftimin e krimit të organizuar, duke theksuar edhe rëndësinë e bashkëpunimit në këto fusha për përmirësimin e sigurisë dhe stabilitetit rajonal.
