Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
KOSOVA
Përfaqësuesi i Posaçëm i BE për dialogun me Serbinë shkon në Kosovë, takohet me zv.Kryeministrin në detyrë
PiranjatPërditësimi i fundit 21 Tetor 2025, 18:01
Zëvendës Kryeministri në detyrë i Kosovës, Besnik Bislimi, ka pritur Përfaqësuesin e Posaçëm të Bashkimit Evropian për dialogun Kosovë-Serbi, Peter Sørensen, për të diskutuar çështje kyçe në rrugën drejt zbatimit të plotë të Marrëveshjes Bazike dhe Aneksit të Zbatimit të Ohrit.
Gjatë takimit, Bislimi ka paraqitur dy kërkesa që, siç i ka cilësuar ai, kërkojnë trajtim urgjent. Së pari, ai ka kërkuar që të trajtohet me vëmendje e urgjencë çështja e personave të zhdukur me dhunë, duke theksuar se duhet të nisin punët e Komisionit të Përbashkët për këtë çështje.
Po ashtu, Bislimi ka kërkuar nga Sørensen që të merret në konsideratë edhe çështja e bllokimit të shpërndarjes së mjeteve për fermerët në Luginën e Preshevës, një problem që, sipas tij, është shkaktuar nga Serbia dhe që është refuzuar të trajtohet edhe në takimin e fundit në Bruksel të muajit të kaluar.
Në komunikatën e lëshuar nga Zyra e Kryeministrit, thuhet se Bislimi ka diskutuar gjithashtu për dëmet që Serbia vazhdon t’i shkaktojë Kosovës, duke bllokuar linjat e interkoneksionit, një veprim që rrit kostot e transmisionit të energjisë jo vetëm në Kosovë, por edhe në rajon.
Zëvendës Kryeministri ka theksuar gjithashtu rëndësinë e heqjes së plotë të masave të Bashkimit Evropian ndaj Kosovës, duke e quajtur një hap të nevojshëm për përmirësimin e marrëdhënieve dhe avancimin e proceseve të integrimit.
Ky takim ka pasur për qëllim të theksojë nevojën për zbatimin e detyrimeve të ndërsjella në kuadër të dialogut, si dhe të kërkojë veprime konkrete për zgjidhjen e çështjeve që pengojnë përparimin.
