Një vatër zjarri ka përfshirë rreth një hektar sipërfaqe në fshatin Derstil, në Qendrën Administrative Gjinar, n&...
KOSOVA
PDK për të shtatën ditë bllokon hyrjen para Qeverisë, kërkon vazhdimin e seancës konstituive
PiranjatPërditësimi i fundit 21 Gusht 2026, 09:29
Për të shtatën ditë me radhë, Partia Demokratike e Kosovës ka vijuar protestën para objektit të Qeverisë së Kosovës, duke bllokuar hyrjen në shenjë kundërshtimi ndaj ndërprerjes së seancës konstituive të Kuvendit.
Në aksionin e sotëm janë përfshirë edhe deputetë të Aleancës, ndërsa mbështetje kanë dhënë edhe asamblistë të PDK-së nga Lipjani.
Opozita kërkon që seanca konstituive të rifillojë dhe Kuvendi të konstituohet, duke e konsideruar zhbllokimin e procesit parlamentar si hap të domosdoshëm për funksionimin e institucioneve të Kosovës.
Asamblistja e PDK-së nga Lipjani, Yllëza Bedrolli, u ka bërë thirrje deputetëve të Lëvizjes Vetëvendosje që të rikthehen në Kuvend dhe të mundësojnë vijimin e procesit të formimit të institucioneve.
“E ftoj deputetin Kurti dhe Lëvizjen Vetëvendosje që me ardhur dhe me i hap dyert të Kuvendit edhe prej sot me filluar me i formuar institucionet, mos me i bllokuar këto edhe kryesisht mos me shkelë Kushtetutën, sepse Kushtetuta duhet të jetë mbi çdo interes politik”, deklaroi Bedrolli.
Në të njëjtën linjë, deputeti i Aleancës, Besnik Tahiri, tha se aksioni synon të rrisë presionin dhe ndërgjegjësimin publik e politik për situatën institucionale, të cilën ai e konsideron si shkelje të Kushtetutës.
PDK-ja dhe Aleanca kanë bërë të ditur se aksioni do të vijojë edhe në ditët në vazhdim, deri në rifillimin e seancës konstituive dhe zhbllokimin e procesit për konstituimin e Kuvendit.
