Kavaja, Himara, Vlora, Kamza, Durrësi, Vora janë bashkitë më të varura nga të ardhurat që gjeneron ndërtimi, pasi t&eu...
KOSOVA
Vetëvendosje thellon rezultatin, siguron edhe një mandat deputeti
PiranjatPërditësimi i fundit 16 Qershor 2026, 23:30
Komisioni Qendror i Zgjedhjeve ka përditësuar rezultatet e partive politike ndërkohë që po numërohen votat me postë.
Lëvizja Vetëvendosje tashmë ka arritur në 53 ulëse të siguruara në Kuvendin e Kosovës, ndërsa Lidhje Demokratike e Kosovës ka rënë në 18 sosh.
Partia Demokratike ka ruajtur 22 ulëset të cilat i kishte më parë, ndërsa Aleanca për Ardhmërinë e Kosovës ka 7 kandidatë.
Komisioni Qendror i Zgjedhjeve (KQZ) ka njoftuar se deri në mesditën e së mërkurës do të përfundojë numërimi i të gjitha fletëvotimeve të ardhura nga votimi jashtë Kosovës, përkatësisht përmes postës.
Zëdhënësi i KQZ-së, Valmir Elezi, ka bërë të ditur se deri në fund të ditës së sotme do të procedohen për numërim 216 nga gjithsej 223 kuti votimi, në të cilat janë sistemuar zarfet me fletëvotime të diasporës.
Sipas tij, shtatë kutitë e mbetura pritet të fillojnë të numërohen në orët e mëngjesit të së mërkurës, duke e çuar drejt përmbylljes një nga fazat kryesore të procesit zgjedhor pas ditës së votimit.
Paralelisht me numërimin e votave të diasporës, KQZ do të nisë edhe procesin e numërimit të votave me kusht, i cili është zhvilluar në 52 vendvotime me kusht në mbarë vendin. Në këtë kategori janë evidentuar gjithsej 8,751 votues.
Po ashtu, do të fillojë edhe numërimi i votave të personave me nevoja të veçanta.
Me përfundimin e numërimit të votave nga diaspora dhe fillimin e trajtimit të votave me kusht dhe atyre të personave me nevoja të veçanta, procesi i numërimit të rezultateve zgjedhore po hyn në fazën përmbyllëse.
