Teksa protesta kundër projektit në Zvërnec po hyn në ditën e saj të gjashtë dhe po merr përmasa kombëtare, kryemi...
KOSOVA
VIDEO/ Nxirret kristali i rrallë nga miniera e Trepçës. Çfarë është ai
PiranjatPërditësimi i fundit 2 Mars 2026, 23:31
Në minierën e Trepçës, punëtorët e galerisë së 11-të kanë nxjerrë një kristal të madh dhe të rrallë, pjesë e masivit që përmban pirit dhe galenit.
Shefi i shërbimit gjeologjik, Xhemajl Tupella, për KosovaPress ka theksuar përkushtimin e punëtorëve që, pavarësisht peshës së rëndë, e kanë bërë kristalin të gatshëm për transport.
“Po këtë kristal e kanë nxjerrë punëtorët e horizontit të 11-të, përkatësisht të punishtes 151/A. Karakterizohet me disa zgavra natyrore, ku gjatë punimeve është hasur dhe është nxjerrë edhe ky kristal, si pjesë e masivit që përmban pirit, galenit dhe është i mbuluar me kalcit të bardhë. Përmasat e tij janë rreth 1,40 metra i lartë dhe 1,20 metra i gjerë”, tha Tupella.
Tupella tha se punëtorët e zellshëm të ndërrimit të tretë, me gjithë peshën e rëndë e kanë nxjerrë kristalin.
“Është interesant se ka peshë të rëndë, por punëtorët e zellshëm të ndërrimit të tretë e kanë nxjerrë dhe e kanë bërë të gatshëm përmes vagonetave, lokomotivës dhe përmes korpës e kanë nxjerrë, edhe pse nuk është e lehtë, sepse ka peshë të madhe, por me shumë zell e kanë nxjerrë”, ka thënë ai.
Kristali i nxjerrë tregon për pasurinë minerare të Trepçës dhe përkushtimin e punëtorëve në punën e tyre. /KosovaPress
