Ndizen akoma më fort sistemet e alarmit te Norvegjia teksa bëhet gati për sfidën historike me Anglinë në çerekfinale t&eu...
POLITIKE
4 milionë euro nga fondi rezervë për koncertin e Kanye West/ Shehaj: Skandal që duhet hetuar, Rama ka shkelur ligjin
PiranjatPërditësimi i fundit 9 Korrik 2026, 16:25
Kreu i Partisë “Mundësia” Agron Shehaj i ftuar në programin e drekës në News 24, ka deklaruar se përdorimi i fondit rezervë për fatkeqësitë natyrore për koncertin e këngëtarit Kanye West është shkelje ligjore që duhet hetuar.
Ai tha se fondet po përdorën për të blerë bileta me qëllim që t’iu shpërndahen patronazhistëve. Shehaj deklaroi se asnjë qeveri e asnjë vendi nuk ka marrë përsipër të paguajë për dështimet e koncerteve.
“Fondi rezervë duhej diskutuar në Parlament dhe i duhet shpjeguar publikut, ai është një fond për emergjenca dhe raste të paparashikueshme.
Në përgjithësi janë përdorur për emergjenca, se nuk u shitën mjaftueshëm bileta nuk është emergjncë. Ky është problem i një biznesi privat, fondi rezervë nuk duhet për këtë punë. Kryeministri ka shkelur ligjin, paratë e publikut duhet të shpenzohen me garë. Pse u vendos për këtë këngëtar dhe jo për një tjetër?
Në muajt e fundit janë anuluar koncerete të tjera dhe asnjë qeveri nuk ka marrë përsipër të mbulojë shpenzimet, nuk u turpëruan as Meloni as ai i Koresë së Jugut.
Në raste emergjencash Këshilli i Ministrave vepron pa votë parlamenti, por kjo qeveri ka treguar se e ka shpërfillur parlamentin, e kanë zhvelërsuar parlamentin nga roli i tij, aty buron legjitimiteti dhe votëbesohet edhe qeveria.
Kjo është një çështje që duhet hetuar absolutihst, skandal i vërtetë që të blihen bileta me paratë e shqiptarëve dhe të shpërndahen te patronazhistët”, tha ai.
