Sali Berisha deklaron se Belinda Balluku duhet të ishte prapa hekurave dhe jo të ecte e lirë. Në një komunikim me gazetarët, kre...
POLITIKE
"AKSHI, gropa e zezë’/ Berisha: Rama e përdori teknologjinë për të kryer vjedhjet më të mëdha në historinë e shtetit
PiranjatPërditësimi i fundit 20 Maj 2026, 20:01
Lideri i Partisë Demokratike, Sali Berisha u ndal te skandalet financiare që kanë përfshirë qeverinë shqiptare në raport me tekonoligjinë dixhitale, siç është AKSHI.
‘Rama e përdori teknologjinë dixhitale për të kryer vjedhjet më të mëdha! E shndërroi AKSHI-n në gropën e zezë të vendit, baxhanaku i tij mori 75 mln euro për urtësinë artificiale me zero kontribut’, theksoi Berisha gjatë fjalës së tij në prezantimin e Departamentit të Inovacionit dhe AI në PD.
Berisha:Si e përdori Edi Rama teknologjinë dixhitale?
E përdori për të kryer vjedhjet më të mëdha në historinë e një vendi.
Më të çmuara se çdo gjë janë të dhënat e identitetit të njeriut.
Ato të dhëna, të cilat qytetari në besim dhe mirëbesim të ligjit dhe Kushtetutës, i depoziton në qendrat e të dhënave të shtetit.
Të gjitha ato u hakeruan dhe kaluan në dispozicion të patronazhistëve terroristë kriminalë, të bandave kriminale, etj me radhë.
Është abuzimi më ekstrem që mund të bëhet me teknologjinë.
Edi Rama, në një mënyrë ose në një tjetër, e shndërroi AKSHI-në në gropën më të zezë të vendit, në të cilën për urtësinë artificiale, baxhanaku i tij ka fituar 75 milionë euro tender dhe ka zero kontribut. Ka vetëm transfertën nga thesari i shtetit në kontot e tij.
E ka përdorur për një spekulim.
T’u them unë ju, e-Albania është krijuar në vitin 2012 apo 2011.
Ministri Pollo dhe ata që e drejtonin, nuk kërkuan asnjëherë që të centralizonin të gjitha tenderat në fushën e high-tech në Shqipëri.
Jo, secila ministri, secila drejtori në të gjitha fushat operonin mbi bazën e rregullave të prokurimit.
Kurse ky për shkak të baxhanakut të tij, ky bëri vendimin në vitin 2017, që të gjithë tenderimet të bëhen në një agjenci që u bë agjencia e parë shtetërore në historinë e shtetit që të marrë peng punonjës dhe biznesmenë që guxonin të paraqisnin oferta.
Pra, jam shumë i inkurajuar nga ekspozeja, nga prania juaj këtu dhe u garantoj se do bëjmë gjithçka që Shqipëria, që PD fillimisht, dhe Shqipëria të përjetojnë këtë epokë, epokën më të ndritur në fushën e teknologjisë në historinë e njerëzimit.
