Federata e Futbollit e Iranit ka paraqitur një ankesë zyrtare në FIFA, duke ngritur shqetësime serioze mbi kufizimet e udhëtimit q&eu...
POLITIKE
“Akt autoritar”, Bardhi: Procedimet ndaj protestuesve, përpjekje për të frikësuar qytetarët
PiranjatPërditësimi i fundit 19 Qershor 2026, 18:07
Kreu i Grupit Parlamentar të Partisë Demokratike, Gazment Bardhi, ka reaguar ndaj procedimeve të vazhdueshme të protestuesve nga Policia e Shtetit, duke i cilësuar ato si një keqpërdorim politik të organeve ligjzbatuese dhe një përpjekje për të frikësuar qytetarët.
Përmes një deklarate publike, Bardhi u shpreh se veprimet e Policisë synojnë të cenojnë të drejtën kushtetuese të qytetarëve për të protestuar paqësisht.
Sipas tij, protesta qytetare që po zhvillohet prej 19 ditësh ka qenë paqësore dhe në përputhje të plotë me ligjin, ndërsa theksoi se edhe në rastet kur protestuesit janë provokuar nga policia, reagimet e tyre nuk kanë kaluar kufijtë ligjorë.
Bardhi i cilësoi këto metoda si praktika që përdoren në vende autoritare dhe kërkoi ndërhyrjen e menjëhershme të Prokurorisë së Tiranës.
Reagimi i plotë
Procedimi i vazhdueshëm i protestuesve nga Policia e Shtetit, është një keqpërdorim i paprecedentë politik i organeve ligjzbatuese. Ky akt ka si qëllim frikësimin e qytetarëve dhe cenimin e të drejtës së tyre kushtetuese për të protestuar paqësisht.
Është e njohur botërisht që protesta qytetare prej 19 ditësh është zhvilluar në mënyrë paqësore dhe në përputhje të plotë me ligjin. Edhe kur janë provokuar nga Policia, në asnjë rast reagimi qytetar nuk ka tejkaluar ligjin.
Metoda të tilla frikësimi ndaj qytetarëve janë të denja për vendet autoritare.
I bëj thirrje Prokurorisë së Tiranën të ndërhyj menjëherë për të ndaluar keto veprime arbitrare dhe politike të Policisë së Shtetit. Heshtja e implikon organin e prokurorisë në skemën e paligjshme të policisë për të intimiduar qytetarët.
