Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
POLITIKE
“Balluku u kap duke shpërndarë tendera në kafe”, deputetja e PD: Aferat tronditën themelet e shtetit
PiranjatPërditësimi i fundit 1 Dhjetor 2025, 18:54
Deputetja e Partisë Demokratike e qarkut Durrës, Manjola Luku, tha se Belinda Balluku është kapur në aferë dhe biseda për këto afera, ku ndajnë tenderat.
Gjatë fjalës në Foltoren e tretë të Partisë Demokratike para Kryeministrisë, ajo tha: “Nuk jemi vetëm për miting politik, por edhe për t’i thënë stop abuzimeve, e për të ngritur zërin kundër ligjeve që shkatërrojnë familjet tona dhe moralin kombëtar. Atentatet në Shqipëri nuk janë vetëm rënie e shtetit, por edhe dhunë e vetë shtetit të lidhur me bandat kriminale, si ngjarjet në Rinas dhe atë dje në Elbasan. A mund të heshtim për aferat e fundit që tronditën themelet e shtetit. Zëvendësja e Ramës, Belinda Balluku është kapur në aferë dhe biseda për këto afera, ku ndajnë tenderat”, u shpreh ligjvënësja demokrate e qarkut Durrës.
Ajo i cilësoi skandalet e qeverisë edhe si cenim serioz për shtetin. Për Ballukun Luku u shpreh se është kapur në flagrancë kafeneve duke vendosur për ndarjen e tenderëve dhe tuneleve.
“Sot skandalet e ballukut dhe urdhrat e Ramës janë cenim serioz dhe i rëndë i shtetit. Është kapur duke vendosur nëpër kafene se si ndërtohen tunelet. Janë raporte dhe të dhëna alarmuese që nuk duhen të injorohen. Këto e cilësojnë vendin tonë si narkoshtet. Nuk duhet ta lejojmë imazhin e vendit tonë në trafik droge dhe krim. Shqipëria nuk është pronë e Ramës dhe as ara personale e Belinda Balluku. Të protestojmë për të larguar Ramën dhe Ballukun e të kërkojmë largimin e Ballukut e të kërkojmë zgjedhje të lira. Me Ramën kryeministrin Rama nuk ka zgjedhje të lira”, përfundoi deputetja.
