Ditën e shtunë vendi ynë do të ndikohet nga kushte atmosferike të qëndrueshme.
Moti parashikohet me kthjellime (diell) si dhe alt...
POLITIKE
‘Shqipëria narko-shtet’/ Nesho zbulon vijën e kuqe të SHBA-së për Ramën dhe lidhjet me kartelet
PiranjatPërditësimi i fundit 1 Dhjetor 2025, 18:28
I ftuar në emisionin ‘Task-Forcë’ në Syri TV, ambasadori Agim Nesho bëri një analizë të fundit mbi zhvillimet politike dhe shqetësimet ndërkombëtare për situatën në Shqipëri. Nesho theksoi se deklarimet e ardhura nga SHBA për përfshirjen e krimit të organizuar dhe strukturave të nivelit të lartë, si kartelet, pasqyrojnë një vëmendje të shtuar ndaj realitetit shqiptar.
Sipas tij, administrata amerikane po shpreh qëndrime gjithnjë e më të qarta ndaj fenomeneve që ai i cilëson si veprimtari të një “narkoshteti”, ndërsa thekson se presioni ndërkombëtar po rritet dhe pritet të bëhet më konkret. Ai shton se retorika politike brenda vendit synon të ushtrojë presion mbi drejtësinë dhe të fitojë kohë, ndërkohë që Perëndimi është i vëmendshëm ndaj çdo zhvillimi që prek arkitekturën e sigurisë në rajon.
Agim Nesho: Në shtetet demokratike në botë nuk ndodh një rast i tillë, ku amerikanët të shprehen kaq qartë. Çështja e përmendjes jo vetëm të krimit të organizuar, por edhe shkallës më të lartë të organizimit të tyre, siç janë kartelet, ka të bëjë me atë që po ndodh në Shqipëri. I një narkoshteti që ka një kohë të gjatë që po funksionon, të pastrimit të parave dhe gjithë fenomeneve, të cilat me të drejtë kolegët e nderuar në studio, të cilët i përshëndes, i shprehën shumë qartë. Dua të them që amerikanët, sidomos kjo administratë, është shumë e qartë ndaj veprimtarisë së narkoshtetit dhe veprimtarisë së Edi Ramës dhe regjimit të tij në Shqipëri.
Ndoshta mungojnë disa elementë për të bërë të mundur që vëmendja ndaj Shqipërisë të jetë më konkrete dhe për këtë është ajo që është një mangësi tashmë e dukur, për të patur ato grupe presioni, të cilat vënë në vëmendje që çështja e goditjes së veprimtarisë së narkoshtetit është në interes direkt të...jo vetëm të sigurisë dhe paqes në rajonin tonë, por edhe të një bashkëpunimi në kohën ë e vështirë gjeopolitike që ka perëndimi në ngritjen e fuqive të tjera kontestuese të kësaj fuqie. Dua të them diçka që, megjithëse kam pak ditë në takimet me diplomatët, me gazetarët, për arsye sepse institucionet kanë qenë pushim pas ditës së falënderimit dhe kanë filluar sot punën për të parë, ka një një kuptim të përgjithshëm se çfarë po ndodh në Shqipëri dhe kjo është diçka tepër pozitive për demokracinë shqiptare dhe shpresën që kanë shqiptarët që ajo liri e munguar do t'ju vijë nga Amerika.
Shenjat janë të tilla dhe në këtë kuptim, të gjithë veprimtaria dhe retorika e Ramës, për mendimin tim, edhe në diskutimin e mëparshëm që bëtë juve, është vetëm për dy gjëra, presion ndaj gjykatës, ndaj SPAK-ut dhe për të fituar kohë. Rama bën një gabim shumë të madh. Ashtu si oligarkët të cilët janë të plotësuar, dhe kur them të plotësuar, me fitime marramendëse dhe këto vijnë nga përfitimet nga fondet publike dhe financiare të vendit të tyre, me një veprimtari kriminale, siç u shpreh, por këta nuk kuptojnë që janë shumë veprimtari të tjera, të cilat nuk mund të rrinë jashtë vëmendjes të Shteteve të Bashkuara të Amerikës, meqë po flasim dhe të perëndimit. Janë ato fenomene të cilat prishin dhe kalojnë atë vijë të kuqe që japin sigurinë e plotë të mbrojtjes së arkitekturës së sigurisë në të gjithë perëndimin.
