Të rinjtë protestues kanë refuzuar thirrjet për dialog me kryeministrin Edi Rama.
Gjatë protestës, studentët kanë p&e...
POLITIKE
Berisha: Ja kush janë protestuesit e vërtetë
PiranjatPërditësimi i fundit 12 Mars 2026, 09:57
Kuvendi i Shqipërisë pritet të mblidhet sot në orën 10:00 në seancë plenare, ku do të shqyrtohet kërkesa e Struktura e Posaçme Kundër Korrupsionit dhe Krimit të Organizuar për heqjen e imunitetit të deputetes Belinda Balluku.
Çështja pritet të shoqërohet me debate dhe tensione politike.
Sipas rendit të ditës, kjo pikë do të trajtohet e para në axhendë, menjëherë pas nisjes së seancës. Para paraqitjes së dy raporteve të përgatitura nga përfaqësuesit e opozitës dhe të shumicës në Këshillin për Rregulloren, Mandatet dhe Imunitetin, do të marrë fjalën vetë Balluku.
Më pas opozita dhe shumica parlamentare do të paraqesin qëndrimet e tyre, përpara se çështja të hidhet në votim.
Ndërkohë, Partia Demokratike e Shqipërisë ka paralajmëruar protestë para godinës së Kuvendit në të njëjtën orë me zhvillimin e seancës.
Në kuadër të këtyre zhvillimeve krerët e PD-së kanë mbërritur në seli ku po diskutohen detajet e fundit të organizimit të aksionit të saj gjatë ditës së sotme.
Kryedemokrati Sali Berisha nga shkallët e PD-së deklaroi se protestuesit e vërtetë janë operatorët e televizioneve që janë të pranishëm në terren në çdo situatë.
Më herët në seli do të mbërrinte edhe Sekretari i Përgjithshëm i PD-së, Flamur Noka.
