Revolta popullore po bëhet gjithnjë e më e madhe, ku çdo orë që kalon numri i pjesëmarrësve rritet dhe Diaspora &lsq...
POLITIKE
Berisha: Mafia e Ramës kërcënoi Osman Stafën ashtu siç i vendosën minën gazetarit italian
PiranjatPërditësimi i fundit 12 Dhjetor 2025, 12:53
Kryetari i Partisë Demokratike, Sali Berisha ka dënuar kërcënimin ndaj gazetarit Osman Stafa i cili shpesh herë denoncon mungesën e ilaçeve dhe shërbimit ndaj pacientëve në spitalin onkologjik.
Berisha akuzoi kryeministrin Edi Rama se përmes mafies ka kërcënuar Osman Stafën ashtu siç kërcënuan gazetarin italian që bëri emision kundër mafies shqiptare.
Pjesë nga fjala e Berishës:
“Partia Demokratike denoncon kërcënimin me jetë të gazetarit Osman Stafa. Kërcënimi i gazetarit vjen vetëm 1 muaj, pasi mafia e Edi Ramës i vendosi minën gazetarit italian që bëri emision kundër mafies shqiptare. Se për Ranuçin po e gjejnë, u arrestua në Dubai ai, Sinomati, por Antimafia Italiane është tjetër dhe pritet të zbardhet e gjithë skema se si u kërcënua, si u hodh në erë makina e gazetarit kur aty afër po kalonte vajza e tij. Osman Stafa ka provuar para shqiptarëve, se regjimi i Ramës në spitalin onkologjik ka kryer krime kundër njerëzimit. Të sëmurët janë privuar nga ilaçet jetike nga spitali onkologjik. Këto qëndrime tejkalojnë çdo imagjinatë, kanë kushtuar me qindra vite jetë këtyre të sëmurëve të marrë së bashku.
Edi Rama është kryeministri i parë që pohon publikisht, se ilaçet, nuk i siguruan sepse të sëmurët me këtë sëmundje janë të shumtë, nuk ka deklaratë më cinike, më çnjerëzore se sa një deklaratë e tillë.
Të pretendosh se një shtet që administron 67 miliardë euro buxhet, të deklaroi se nuk ka ilaçe, dhe janë të shumtë është absolutisht njëlloj si të firmosësh dënimin e tyre kapital. Është papërgjegjshmëri dhe krim kundër njerëzimit. Në investigimet e tij Osman Stafa, ka faktuar se në shumë raste kanë qenë vjedhje, dhe abuzime të pasurive të atyre që kanë plaçkitur dhe nuk kanë sjell një ilaç të vetëm për të sëmurët.
Drejtorët dhe ministrat kanë abuzuar me detyrën. Krimi më i shëmtuar ka ndodhur në spitalin onkologjik të Tiranës, nuk është e vërtetë që kanë munguar më përpara ilaçet, jo, nuk bëhej fjalë që do të sillej çdo ilaç i domosdoshëm për jetën. Qeveria më parë ka sjellë të rimbusuershme ilaçe që përdoren nga të sëmurët me talasemi i cili i përdor nga injeksionet e nevojshme në bark.
Ekszaden ishte një ilaç që ndryshonte jetën e të rinjve dhe të rejave, por e kemi blerë. Nuk konceptohet t’u thuhet të sëmurëve se nuk blejnë dot ilaçet bazë të këtyre sëmundjeve. Kjo dramë e tmerrshme në pavionet e onkologjikut, mafia Nushi-Doshi që ngërtheu të gjithë tregun, përzuri një nga një të gjitha kompanitë europiane që kishin zyrat e tyre për ilaçet. Pushtimi i tregut farmaceutik nga këta dy mamuth të lidhur kockë e palcë me Edi Ramën bënë që kompanitë e mëdha, ilaçeve për sëmundjet malinje të largoheshin nga Shqipëria duke i lënë këta të sëmurë në mëshirën e fatit."
