Dy persona janë plagosur me armë zjarri mbrëmjen e sotme në zonën e Laprakës në Tiranë.
Ngjarja dyshohet se ka ndodhur ...
POLITIKE
Berisha mban takim me demokratët në Krujë: PS me në krye Ramën ka si shtylla kryesore krimin, vjedhjen dhe mashtrimin
PiranjatPërditësimi i fundit 17 Shkurt 2026, 18:50
Kreu i PD Sali Berisha po zhvillon sot një takim me demokratë në Krujë, ku në fjalën e tij u ndal fillimisht në Pavarësinë e Kosovës, e cila shënon sot 18 vite shtet.
Berisha kujtoi sfidat dhe vështirësitë me të cilat u përball Kosova por që në fund ia doli dhe fitoi pavarësinë.
“Në këtë 18 vjetor Kosova vjen si një shembull drite shprese për rajonin dhe shqiptarët. Kur kthehem në ato vite, kur presidenti Ibrahim Rugova çdo ditë përsëriste kërkesën për pavarësi. Ju them se asnjeri nuk e mbështeste këtë kërkesë, por ja që ajo u bë realitet sepse ishte një kauzë e drejtë. Kështu që gëzuar edhe njëherë datën e dytë më të rëndësishme të historisë tonë kombëtare pas pavarësisë së Shqipërisë”, tha më tej ai.
Më tej kryedemokrati akuzoi Partinë Socialiste dhe kryeministrin Edi Rama se po punon për largimin e shqiptarëve, ndërsa shtoi se PS me në krye Ramën ka vetëm 3 shtylla kryesore që janë vjedhjen , mashtrimin dhe krimin.
“Në Shqipëri është vendosur një diktaturë e dytë. Një diktaturë jo siç ishte një diktaturë e parë që ndalonte me ligj dhe Kushtetutë partitë politike, por që shtyp pluralizmin. PD solli në Shqipëri pluralizmin si motorin më të sigurt të zhvillimit të një kombi dhe të një shoqërie. Sot janë vërsulur me tërbim kundër lirive dhe të drejtave të qytetarëve të Shqipërisë. Sot ka një njeri nga i cili të gjitha pushtetet varen. Sot në 220 mijë rrogëtarë të këtij shteti më shumë se 200 mijë i përkasin partisë shtet që në të drejtën e Zotit ka lindur si parti krimi u rrit si parti krimi dhe vazhdon si parti krimi si fatkeqësia më e madhe. Kjo është PS. Kjo parti me në krye Ramën ka 3 shtylla kryesore, vjedhjen , mashtrimin dhe krimin”, tha ai./PiranjatNews/
