Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
Blushi nderime për Ditën e Dëshmorëve: Do të mbrojmë me çdo çmim vlerat e lirisë, kërcënohen nga një grusht uzurpatorësh
PiranjatPërditësimi i fundit 5 Maj 2026, 13:36
Sekretari i Përgjithshëm i Partisë së Lirisë, Tedi Blushi ka bërë nderime për Ditën e Dëshmorëve, duke u shprehur se përulen përpara sakrificës së atyre që dhanë jetën për lirinë e vendit.
Blushi thotë se PL-ja do të mbrojë me çdo çmim lirinë, duke shtuar se ajo është në rrezik nga një “grusht uzurpatorësh dhe kuislingësh”.
“Partia e Lirisë, që mban në emër Lirinë dhe ka simbol të saj ngjyrat kuqezi të Flamurit Kombëtar, është më e vendosur se kurrë të mbrojë me çdo çmim vlerat e lirisë, të kërcënuara nga një grusht uzurpatorësh dhe kuislingësh që nuk kanë kryer një pushtim klasik me tanke dhe armë, por me metoda “moderne” përmes axhendës së qëllimshme të shpopullimit dhe shkombëtarizmit, duke goditur familjen, shoqërinë dhe kombin shqiptar”, shkruan ai.
Sipas tij, mbrojtja e lirisë dhe e interesit kombëtar mbetet një detyrë e përbashkët dhe një mision historik kombëtar për çdo shqiptar.
Me nderim të thellë përulemi para sakrificës më sublime të mijëra të rejave dhe të rinjve që dhanë jetën për Lirinë e Atdheut.
Gjaku i Dëshmorëve është themeli mbi të cilin qëndron Shqipëria, ndërsa vepra e tyre mbetet një kushtrim i përhershëm për të mbrojtur Lirinë, Pavarësinë dhe Sovranitetin e vendit.
Partia e Lirisë, që mban në emër Lirinë dhe ka simbol të saj ngjyrat kuqezi të Flamurit Kombëtar, është më e vendosur se kurrë të mbrojë me çdo çmim vlerat e lirisë, të kërcënuara nga një grusht uzurpatorësh dhe kuislingësh që nuk kanë kryer një pushtim klasik me tanke dhe armë, por me metoda “moderne” përmes axhendës së qëllimshme të shpopullimit dhe shkombëtarizmit, duke goditur familjen, shoqërinë dhe kombin shqiptar.
Përballë kësaj sfide, mbrojtja e lirisë dhe e interesit kombëtar mbetet një detyrë e përbashkët dhe një mision historik kombëtar për çdo shqiptar, në respekt të gjakut të Dëshmorëve dhe së ardhmes europiane të Shqipërisë.
