Një aksident rrugor është regjistruar paraditen e kësaj të enjte (4 qershor 2026) në Tiranë, pranë Fabrikës s&eum...
POLITIKE
"Bufi ua hëngri përfaqësuesin", Rama-demokratëve: Doli i pari në primare dhe nuk është gjëkundi! 5 kandidatë nga PS në Kavajë dhe 1 kandidat i zhdukur nga PD-ja
n.fPërditësimi i fundit 21 Prill 2025, 13:10
KAVAJË- Kryeministri Edi Rama gjatë fjalës së tij në takim me të rinjtë në Kavajë ka ironizuar opozitën. Rama theksoi se demokratët dolën dhe votuan për në Primarë për të zgjedhur personin që duan por sipas tij Berisha ua hëngri përfaqësuesin.
Ai shtoi se kandidati i zgjedhur i demokratëve doli i pari në Primare por tani nuk shihet askund. Sipas tij kjo është fyerja më e madhe e një komuniteti politik. Rama shtoi se Kavaja është lënë pa përfaqësim. Ai theksoi se PS ka 5 kandidatë ndërsa PD një kandidat të zhdukur të cilin e cilësoi si viktimë të Berishës.
"Por sot nuk e mbyll dot fjalën time pa ja dhënë fjalën dikujt që sa ju filloi karrierën politike. Ka qenë i thinjur dhe ka hapur rrugë për shumë të tjerë të jenë pjesë e PS-së. E kemi sjellur këtu në Kavajë, Rrogozhinë. Në Kavajën që mbahej për një kohë shumë të gjatë, si bastioni i PD-së ka ndodhur diçka që demokratët e Kavajës nuk duhet ta falin për dinjitetin e tyre. Se dolën dhe votuan për të pasur kandidatë njeriun që donin ata.
Doli i pari në primare dhe nuk është gjëkundi. E ka ngrënë bufi. Jau hëngri përfaqësuesin. Është në barkun e bufit, Hyseni. Është fyerja më e madhe një komuniteti politik. Kavajën e kanë lënë pa përfaqësim, pa njeri. Vjen vërdallë njëri me një parti tjetër. Ne i kemi sjellë Kavajës dy deputete dhe kryeministrin e ditëve më të vështira të Kosovës. E ka nisur politikën ja kështu. Si njëri nga ju dhe e kemi sjellë këtu bashkë me Eldin. Bashkë me dy burra, kemi dhe Antonelën e Rrogozhinës. 5 kandidatë nga PS dhe 1 kandidatë i zhdukur nga PD. Viktimë, e ka ngrënë bufi," tha ai.
