Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
POLITIKE
Debate te 'Ligjet', ndërpritet mbledhja për 1 orë/ Bylykbashi: Task-Forca e Prokurorisë për 11 majin dështoi! Kaso: Krimi zgjedhor, një armë politike ndaj opozitës
PiranjatPërditësimi i fundit 24 Tetor 2025, 12:25
Deputeti i PD-së, Oerd Bylykbashi, akuzoi Prokurorinë gjatë mbledhjes së Komisionit të Ligjeve, duke u shprehur se ajo dështoi në ngritjen e një Task-Force për të parandaluar krimin zgjedhor.
Ai i referohej raportit të OSBE/ODIHR për zgjedhjet e 11 majit 2023, që tregoi se krimi zgjedhor nuk u parandalua.
Bylykbashi gjithashtu tha se këto problematika nuk janë adresuar në rezolutat që do të prezantohen në seancën plenare të hënën.
Bylykbashi:
Raporti i OSBE/ODIHR tregoi se Task-Forca e Prokurorisë nuk funksionoi, nuk u parandalua krimi zgjedhor dhe blerja e votës. Rezoluta këtu vetëm sa prekin sipërfaqen dhe nuk flasin të vërtetën. Parlamenti të vërë gishtin në plagë, situatat përkeqësohen më shumë dhe përshkallëzojnë. kemi raporte nga OSBE/ODIHR, DASH e të tjera, që nuk janë përfshirë këtu dhe që duheshin futur, duhen diskutuar
U ngrit një Task-Forcë që ka dështuar në mënyrë masive. Krimin zgjedhor mund ta shohim në të dyja krahët, se si funksionon aktualisht dhe se si do vazhdojë më tej. Kemi centralizim të pushtetit, institucionet nuk janë të pavarura, ka bashkëpunim me krimin e organizuar dhe gjithçka përfundon siç përfundoi në zgjedhje me krim zgjedhor. Nuk pres që mazhoranca të ketë qasje. Mazhoranca ka hallin se humbet zgjedhjet, ndaj edhe raportet flasin qartë. Rezolutat këtu nuk përputhen, nuk dalin çështje.
Ndërsa deputeti Ivi Kaso tha se mazhoranca ktheu krimin zgjedhor në një armë politike ndaj opozitës, duke përdorur krimin e organizuar për të manipuluar zgjedhjet, ndërsa prokuroria dështoi në parandalimin e tij.
Ja debatet në Komision, që u ndërprerje mbledhja për 1 orë:
Ivi Kaso:
Nuk mund të vazhdojë ky komision për shkak se nuk na janë bërë të ditura materialet për t’i shqyrtuar edhe pse ka tre ditë që është bërë rendi i ditës për projektrezolutat e institucioneve të rëndësishme të drejtësisë mbi raportin vjetor. Nuk është serioze, kur opozita ankohet për hapësirat në seanca plenare, ende vijon e njëjta situatë. Gjashtë rezoluta dhe ne ende nuk jemi njohur me to. Shumë gjëra nuk na pëlqejnë për Komisioni duhet të jetë serioz.
Ulsi Manja:
Më vjen keq që ankoheni për hapësira dhe kritika është për mua dhe shumë mirë, do e marr parasysh që këtej dhe tutje meqë po ankoheni. Për mua kemi kohë deri në 10 të darkës nëse doni kohë, ne këtu jemi, duhet t’i shqyrtojmë të gjashta projektrezolutat.
Oerd Bylykbashi:
Duhet të marrim kohë dhe t’i shqyrtojmë. Ne duhet të bëjmë një punë që vlen. E kam thënë edhe më parë, puna duhet bërë siç duhet. Marrim një kohë minimale, ditën e kemi përpara, të marrim kohën e duhur, t’i lexojmë, bëjmë debatin dhe e mbyllim. E kemi parë në parlament me ngushtimin e hapësirave në seanca plenare.
Ulsi Manja:
Ne e kemi lënë për të hënën raportimin e institucioneve në Parlament për raportin dhe projektrezolutat, e ka vendosur Konferenca e Kryetarëve. Por nëse ju doni ta shtyjmë atë datë e bëjmë, të mos e kthejmë në orë leximi dhe mësimi këtu.
