Një tjetër eurodeputet i Parlamentit Europian ka reaguar i indinjuar ndaj dhunës së policisë me urdhër të kryeministrit...
POLITIKE
"Do ta çoj çështjen në Strasburg"/ Aulon Kalaja nga 'Kushtetuesja': Kodi Zgjedhor i pamundëson kandidatëve ankimimin
PiranjatPërditësimi i fundit 24 Tetor 2025, 12:20
Aulon Kalaja, kandidati i Partisë Demokratike për zgjedhjet e 11 Majit në qarkun e Durrësit, ka denoncuar publikisht disa problematika në Kodin Zgjedhor, të cilat, sipas tij, i pamundësojnë kandidatëve të ankimojnë vendimet e organeve zgjedhore. Në një deklaratë për mediat jashtë Gjykatës Kushtetuese, Kalaja ka treguar se kërkon të shfuqizohet neni i Kodit Zgjedhor, që bllokon mundësinë e ankimimit administrativ dhe zgjedhor.
Aulon Kalaja:
Unë jam këtu sot për të zgjidhur padrejtësinë që më ka ndodhur nga qendra e votimit, nga KZAZ, nga KAS-i dhe Kolegji Zgjedhor. Gjykata Kushtetuese duhet të shprehet. Unë mund të mos kandidoj më, por do jetë një tjetër kandidat që duhet ta ketë këtë armë. Jam këtu sot për të shfuqizuar këtë nen të Kodit Zgjedhor që i pamundëson kandidatit ankimimin administrativ dhe zgjedhor, dhe ky kod zgjedhor duhet hedhur në kosh të mbeturinave.
Gjykata Kushtetuese detyron Kolegjin Zgjedhor që të rishqyrtojë dhe njëherë çështjen time, që domethënë të më legjitimojë mua si kandidat për të parë sesa vota kam marrë. Jam shumë i bindur që do të fitoj në Gjykatën Kushtetuese. Nuk ia kemi deleguar shpirtin partisë. Hapi i radhës do të jetë gjykata e Strasburg.
