Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Dera e mbyllur e Kryesisë së Kuvendit dhe sulmi me vezë dhe kos dje ndaj Belerit, Berisha: Akt rrugaçërie i porositur, i denjë vetëm për Ramën
M.B.Përditësimi i fundit 30 Tetor 2024, 10:07
TIRANA- Kreu i Partisë Demokratike, Sali Berisha ka reaguar sot në rrjetet sociale lidhur me sulmin që iu bë eurodeputetit Fredi Beleri dje nga një qytetar, me vezë dhe kos, teksa ai dilte nga Kryesia e Kuvendit, por edhe faktit që dera e këtij institucioni nuk u hap në momentin që ai mbërriti. Berisha shkruan se në një akt hakmarrje primitive ndaj Belerit i cili ndodhet në Shqipëri si anëtar i delegacionit të Parlamentit Evropian për Shqipërinë, me urdhër të kryeministrit Edi Rama, sipas tij, i mbyllën derën e Parlamentit dhe nuk e lanë të futet. Po ashtu Berisha shtoi se personi që sulmoi me vezë dhe kos dje Belerin, ishte provokator dhe pas aktit banditsk, sipas tij, u largua i qetë.
POSTIMI:
Akt rrugaçërie, i denjë vetëm për Edi Ramën! Të dashur miq, në një akt hakmarrje primitive ndaj Fredi Belerit i cili ndodhet në Shqipëri si anëtar i delegacionit të Parlamentit Evropian për Shqipërinë, me urdhër të Edi Ramës, i mbyllën derën e Parlamentit dhe nuk e lanë të futet deri sa erdhi provokatori patronazhist për Shqipërinë. të agresuar eurodeputetin Beleri. Provokatori pas aktit banditsk u largua i qetë.
Me këtë rast dënoj me forcën më të madhe aktin e bandit të porositur nga Edi Rama ndaj eurodeputetit Beleri në detyrë. Unë kam dëgjuar Parlamentin Evropian të dënojë aktin e paprecedent ndaj deputetit Beleri të Këshillit nga Edi Rama, i cili pasi i rrëmbeu mandatin e Kryetarit të Bashkisë Himarë dhe burgos me dëshmitarë të rremë i organizon me banditë agresionin fizik.
