Gjykata e Tiranës ka caktuar masën e sigurisë detyrim paraqitjeje për 18 persona të arrestuar gjatë protestave në Tiran&eum...
POLITIKE
Detaje/ Akuzon Kryemadhi: Dëshmitarin e futën 3 muaj në burg për ta kërcënuar, gjyqi ndaj meje është politik
PiranjatPërditësimi i fundit 25 Shtator 2025, 12:08
Monika Kryemadhi, gjatë dëshmisë së saj para SPAK, ka akuzuar institucionet për manipulime dhe kërcënime ndaj dëshmitarëve të çështjes së inceneratorëve.
Ajo tha se një dëshmitar është mbajtur në burg për 3 muaj për të shpërndarë frikë dhe se qytetarët vazhdojnë të paguajnë për inceneratorët që nuk ekzistojnë.
Kryemadhi gjithashtu e cilësoi gjyqin ndaj saj si politik, pasi ka folur për dosjen e inceneratorëve.
“CEZ-DIA ka 8 vite që hetohet dhe nuk ka asgjë. Dëshmitarët janë kërcënuar dhe intimiduar. Një dëshmitar e kanë futur në burg për 3 muaj për ta kërcënuar. Qytetarët vazhdojnë të paguajnë për inceneratorët, që nuk ekzistojnë. Gjyqi ndaj meje është politik, sepse denoncova dosjen e inceneratorëve. Sa kilogram drogë janë kapur në Portin e Durrësit, që kur Altin Dumani është emëruar kryeprokuror i SPAK?
Sot kemi raport të DASH, të Departamentit të Drejtësisë dhe Donald Trump, ku Shqipëria hyn tek vendet kryesore të trafikut të drogës. Ne akuzohemi për korrupsion pasiv dhe nuk ka të akuzuar për korrupsion aktiv, kjo është absurde. Mamaja ime ka ardhur në Tiranë që më 1962 dhe justifikon blerjen e shtëpisë së saj. SPAK gënjeu, i tha SHBA-së vendim për sekuestrimin e telefonit”-tha Kryemadhi.
