Mjekët i janë bashkuar gjatë ditës së sotme protestës së studentëve dhe thirrjeve të tyre për dorëheqje...
POLITIKE
““Dyfisho sipërmarrjen tënde” është programi i ri që nis së shpejti”, Rama: Kredi për zgjerimin e ndërmarrjeve
PiranjatPërditësimi i fundit 20 Prill 2026, 18:23
Kryeministri i vendit, Edi Rama ka zhvilluar ditën e sotme një takim me përfaqësues të agroturizmit në Tiranë. Gjatë fjalës së tij, Rama prezantoi programin e ri, i cili do të nis së shpejti, i titulluar “Dyfisho sipërmarrjen tënde”.
Në lidhje me këtë, Rama tha se në fund të muajit do të realizohet një marrëveshjen mes Bankës së Shqipërisë, bankave të nivelit të dytë dhe qeverisë.
Sipas tij, ky program do të krijojë një linjë financimi me kredi me interesa të ulëta të dedikuar për çdo sipërmarrje që synon të zgjerojë aktivitetin e saj. Në fund, kryeministri tha se do të ketë një normë interesi të kredisë më të ulët sesa kreditë komerciale dhe do të ketë një limit deri në 2 milionë euro.
“Programi, i cili do të lançohet së shpejti, besoj se në fund të muajit do të kemi marrëveshjen mes Bankës së Shqipërisë, bankave të nivelit të dytë dhe qeverisë për një linjë financimi të mbështetur nga qeveria shqiptare, për të mbështetur çdo projekt të kujtdo që ka një ndërmarrje të vogël apo të mesme dhe ka ambicie që ta rrisë atë.
E kemi quajtur këtë program “Dyfisho sipërmarrjen tënde”. Do të ketë një normë interesi të kredisë më të ulët sesa kreditë komerciale, plus që do të ketë një limit deri në 2 milionë euro. Nuk do të jetë e mundur të aksesohet nga kompanitë e mëdha, por do të aksesohet nga startup-et, ndërmarrjet e vogla dhe të mesme, punishte dhe patjetër edhe agroturizmet që duan të rriten.” tha Rama.
