Enti Rregullator i Ujit pranoi kërkesat e shoqërive rajonale të Ujësjellësave për rritjen e tarifave. Për të mbuluar p...
POLITIKE
Emigranti vjen nga Italia në protestë: Ku është Presidenti që s’mbron Kushtetutën?
PiranjatPërditësimi i fundit 2 Gusht 2026, 20:34
Në ditën e 64-të të protestës përpara Kryeministrisë kundër qeverisë së Edi Ramës, vijojnë të marrin fjalën qytetarë dhe emigrantë të ardhur nga jashtë vendit, të cilët i janë bashkuar tubimit.
Një emigrant nga Italia, i pranishëm në protestë, ka shprehur pakënaqësinë e tij ndaj qeverisjes, duke kritikuar kryeministrin Edi Rama dhe disa prej përfaqësuesve të mazhorancës.
Ai deklaroi se pas më shumë se tre dekadash emigracioni është rikthyer për të protestuar, duke akuzuar qeverinë për largimin e shqiptarëve dhe problemet me korrupsionin.
“Kam 32 vite në Itali dhe jam këtu sepse ndihem krenar që jam shqiptar. Edi Rama, ti e ke shitur Shqipërinë, nuk je më për këtë popull!”, u shpreh ai.
Emigranti reagoi edhe ndaj deklaratave të ministrit Taulant Balla ndaj protestuesve, duke përdorur tone të ashpra në adresë të tij.
Gjatë fjalës së tij, ai ngriti gjithashtu pyetje për rolin e Presidentit të Republikës, duke kërkuar që institucionet të reagojnë për situatën politike në vend.
“Këtu duhet luftuar korrupsioni. Ku është Presidenti? Ku është që nuk mbron ligjet, nuk mbron Kushtetutën?”, tha ai.
Protesta vijon prej 64 ditësh dhe nisi fillimisht kundër një projekti turistik në Zvërnec, ndërsa më pas u zgjerua me kërkesa dhe kritika ndaj qeverisjes aktuale.
