Komisioni Europian po shqyrton mundësinë e një “Akti për Ujin”, i cili do të vendoste një kuadër më të...
POLITIKE
‘Urime Kryeministrit’/ Meta: Zgjedhjet në Kosovë, triumf i votës së lirë dhe shembull i demokracisë në rritje
PiranjatPërditësimi i fundit 29 Dhjetor 2025, 21:06
Presidenti i Partisë së Lirisë, Ilir Meta ka reaguar në lidhje me përfundimin e zgjedhjeve të parakohshme në Kosovë.
Në postimin e tij në Facebook, Meta ka theksuar se ‘zgjedhjet në Kosovë ishin një triumf i votës së lirë dhe një shembull frymëzues i funksionimit të demokracisë në rritje’.
Gjithashtu Meta ka uruar dhe kryeministrin Albin Kurti për fitoren dhe suksesin në zgjedhjet parlamentare.
Postimi i plotë:
Zgjedhjet në Kosovë ishin një triumf i votës së lirë dhe një shembull frymëzues i funksionimit të demokracisë në rritje.
Kosova dëshmoi edhe njëherë se organizimi i zgjedhjeve të lira, të ndershme dhe të barabarta është plotësisht i mundur, kur funksionojnë institucionet e pavarura dhe ndarja e pushteteve.
Shumë pozitiv zhbllokimi i mbështetjes europiane dhe shumë premtuese njohjet e fundit ndërkombëtare të Kosovës.
Gjithashtu, shumë i qartë qëndrimi i SHBA kundër ndryshimit të kufijve në Ballkan.
Urime vëllazërore qytetarëve të Kosovës dhe klasës politike, që konfirmuan progresin e pandalshëm demokratik dhe funksionimin e plotë të shtetit!
Urime Kryeministrit, Albin Kurti për suksesin në zgjedhjet parlamentare dhe besimplotë se e gjithë klasa politike do të bashkëpunojë për arritjen sa më parë të objektivave madhore që e afrojnë Kosovën me BE dhe e bëjnë anëtare të NATO-s.
