Është hequr gardhi metalik që ishte vendosur para Kuvendit të Shqipërisë si barrikadë për të penguar protestë...
POLITIKE
"Ke marrë 45 mln lekë nga një kompani në sekuestro për pastrim parash!", Shehaj publikon dokumentat: Përgjigje për Adriatik Lapajn, ja çfarë shërbimi i ke dhënë kësaj kompanie
r.llPërditësimi i fundit 5 Shkurt 2025, 19:53
agron shehaj
TIRANË- Një përplasje në rrjetet sociale ka ndodhur mes kreut të Partisë Mundësia, Agron Shehaj dhe atij të "Shqipëria Bëhet, Adriatik Lapajt.
Shehaj ka akuzuar Lapajn se ka marrë 45 milionë lekë nga një kompani e sekuestruar nën akuzën e pastrimit të parave. Kreu i Partisë Mundësia ka reaguar sërish pasi Lapaj paralajmëroi ngritjen e një padie për shpifje ndaj tij.
Në postimin e tij në Facebook, Shehaj ka publikuar dy dokumente që sipas tij që tregojnë çfarë shërbimi i ka dhënë Lapaj kompanisë nën hetim për pastrim parash nga SPAK. Ai thotë se pas këtij mashtrimi qëndron kryeministri Rama dhe ai po përdor Adriatik Lapajn.
POSTIMI I SHEHAJT:
Përgjigje për Adriatik Lapajn: Jo vetëm ka marrë para të pista, por arsyeja pse i ka marrë është dhe më e rëndë. Këto janë dokumentet që tregojnë çfarë shërbimi i ka dhënë Lapaj kompanisë në hetim për pastrim parash nga SPAK.
E para është kontrata e shit-blerjes së një prone prej miliona euro në bregdet, midis kompanisë së akuzuar nga SPAK, pronarëve dhe Adriatik Lapajt. Lapaj merr përsipër regjistrimin e vendimit gjyqësor dhe nxjerrjen e certifikatës së pronësisë.
E dyta është një screenshot nga faqja e gjykatës që tregon se me këtë çështje është marrë vjehrri i Adriatikut, që në atë kohë ishte kryetar i Gjykatës.
Ky është një teatër i madh! Është një mashtrim i madh që ka një regjizor, që është Edi Rama.
Ky sistem i korruptuar dhe i kalbur e ka ngritur Adriatik Lapajn në piedestal. I ka hapur dyert e mediave, e ka financuar dhe e ka mbrojtur.
Duan të çojnë në Parlament njerëz të kapur dhe të kapshëm. Të kompromentuar.
Nuk duhet të dorëzohemi! Shqipëria ka nevojë për një opozitë të vërtetë dhe të pa shantazhueshme!
Dokumentet e publikuara nga Shehaj ne Facebook
Në postimin e mësipërm të Shehajt ka komentuar vetë Lapaj, ku shkruan: "Po të përdorin o mavri! Çështja që ke referuar që ka gjykuar vjehrri im në atë kohë nuk lidhet me pronën në fjalë. Numrat e vendimit janë të njëjtë, po datat e ndryshme. Pse o njeri i Zotit e shkele ligjin? Shihemi në gjykatë!"
