Mes viktimave të shumta financiare të kompanisë flamur të Shqipërisë, Air Albania, me sa duket është edhe Eurocontrol....
POLITIKE
Këlliçi: Harari e ka denoncuar Ramën, nuk e ndihmon dot me citime për protestën
PiranjatPërditësimi i fundit 31 Gusht 2026, 12:40
Në një reagim në rrjete sociale, nënkryetari i Partisë Demokratike, Belind Këlliçi, akuzon kryeministrin Edi Rama se ka keqpërdorur një citim të historianit Harari për të justifikuar qëndrimin e tij mbi protestën.
Këlliçi thotë se Harari e ka kritikuar vazhdimisht Ramën, duke e cilësuar atë si një autokrat dhe duke ngritur shqetësime për gjendjen e demokracisë në Shqipëri.
Deputeti u shpreh se gjatë 13 viteve të qeverisjes së Ramës janë zhbërë mekanizmat e kontrollit dhe korrigjimit të pushtetit, ndërsa parlamenti, gjyqësori, media dhe vota e lirë nuk kanë funksionuar si garanci demokratike.
Këlliçi argumenton se demokracia kërkon dialog dhe vendimmarrje të përbashkët, duke ironizuar pretendimin e Ramës se citimi i Hararit i jep të drejtë qeverisë.
Postimi i plotë:
Harari e ka denoncuar, nuk e ndihmon dot Edi Ramën!
Edi Rama u përpoq ta vendosë historianin e njohur në anën e tij, duke i shkëputur një citim lidhur me algoritmin e rrjeteve sociale. Sipas tij, Harari i paska dhënë të drejtë Kryeministrit lidhur me protestën dhe çfarë e shkaktoi atë.
Sigurisht, Edi Ramës dikush ja ka nisur këtë material. Ai as nuk e ka lexuar Hararin dhe në përgjithësi, dijet e tij janë të cekëta.
Historiani izraelit e ka denoncuar nja 100 herë Edi Ramën si sojin e autokratit dhe dhunuesit të demokracisë.
Harari thotë se një demokraci dështon kur bien mekanizmat e kontrollit dhe korrektimit. Siç ka ndodhur në Shqipëri këto 13 vite. Mos e korrekton apo e kontrollon pushtetin e Edi Ramës parlamenti apo gjyqësori? Mos ka media të mëdha kombëtare që ekspozojnë gabimet dhe aferat? Mos është vota e lirë që është garancia më e madhe, në këto 13 vite?
Asnjë nga këta elementë jetikë nuk ka funkisonuar me Edi Ramën. Janë zhbërë, janë zhdukur. Këto shqetësime ka ngritur mendimtari i shquar.
Harari thotë se demokracia është një bashkëbisedim mes të gjithëve, ku në fund merret një vendim.
Kur ka ndodhur kjo me Edi Ramën?!
Kryeministrit më të korruptuar në Europë do t'i vinte më shumë në ndihmë Mato Gruda i Dritëroit që thotë: Atë e di unë!
