Ditën e mërkurë vendi ynë do të jetë nën ndikimin e masave ajrore të paqëndrueshme.
Moti parashikohet me vran&eu...
POLITIKE
"Kërkesat të jenë brenda rendit ligjor"/ Kurti: Marrëveshja për Asosacionin nuk është “tryezë suedeze”
E.DPërditësimi i fundit 19 Nëntor 2024, 16:21
KOSOVË- Kryeministri i Kosovës, Albin Kurti ka thënë se asociimi që imponohet prej lart është diktat. Gjithashtu Kurti thotët se u takon komunave që ta bëjnë asociacionin. Gjatë një interviste për televizion Alsat nga Maqedonia e Veriut Kurti ka theksuar edhe njëherë nevojën për respektim të marrëveshjes Bazike të arritur vitin e kaluar në Bruksel. Po ashtu Kurti ka folur edhe për situatën e sigurisë në veri të Kosovës, pas sulmit terrorist të vitit të kaluar në Banjskë të Zveçanit.
“Nuk mund të thuash unë kam marrë sa kam marrë, dua të marr edhe më shumë por ti nuk ekziston. Ata duhet ta pranojnë Kosovën, çkado që kërkojnë për serbët në Kosovë duhet ta kërkojnë përbrenda rendin juridik dhe kushtetutës të Republikës së Kosovës. Shteti demokratik i Kosovës është instanca e parë dhe e fundit, dhe më e fuqishmja, ku asnjë individ, grup kriminal a strukturë paralele nuk mund të rivalizojë. Kjo e ka bërë shumë nervoz Beogradin dhe nga nervoza është gjithnjë e më agresiv”, ka thënë Kurti.
Sulmi ndaj Policisë së Kosovës në Banjskë të Zveçanit kishte ndodhur më 24 shtator të vitit të kaluar, nga një grup i serbëve të armatosur. Nga sulmi humbi jetën rreshteri i Policisë së Kosovës, Afrim Bunjaku. Përgjegjësinë për sulmin terrorist e ka marrë ish-nënkryetari i Listës Serbe, Millan Radoiçiç, parti kjo e cila ka mbështetjen e Beogradit zyrtar.
