Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
Kërkoi mocion me debat për abuzimet me fondet e BE për bujqësinë, rrëzohet kërkesa e Bardhit në Konferencën e Kryetarëve (DEBATI)
r.llPërditësimi i fundit 16 Korrik 2024, 12:31
mbledhja
TIRANË- Në mbledhjen e Konferencës së Kryetarëve është rrëzuar mocioni me debat i kërkuar nga kreu i grupit parlamentar të PD-së, Gazment Bardhi për abuzimet me fondet e BE për bujqësinë.
Kreu i grupit të PS, Bledi Çuçi është shprehur kundër kërkesës, ndërsa tha se duhet realizuar në vjeshtë kur të kenë edhe raportet zyrtare të OLAF.
Bardhi, nga ana tjetër, u shpreh se raporti zyrtar është publik në faqen e Komisionit Europian. Ai akuzoi mazhorancën se po mbron vjedhjet e fondeve të Bashkimit Europian.
Bardhi:Kuvendi të analizojë gjetjet e OLAF, se çfarë nuk ka shkuar me fondet e BE dhe të marrë çdo masë që mundesojmë zhbllokimin e fondeve nga BE. Prandaj edhe kërkesa për debat dhe rezoluta jane në këtë linjë. Gjithashtu kërkojmë që nëpërmjet një komisioni të posaçëm në koordinim edhe me BE të adresojmë çdo problem.
Çuçi:Nuk jemi kundër, por mendojmë se nuk është koha e duhur. Për disa arsye, duke nisur nga fakti se raporti i OLAF, nuk është zyrtar dhe është ende kofidencial. Dhe po ashtu ka një hetim të organeve të drejtësisë. Kërkoj mirëkuptim dhe nuk jam kundër, por ta bëjmë në vjeshtë kur dhe raportet ti kemi zyrtare.
Bardhi:Kërkesa jone nuk bazohet në thashetheme. Më vjen keq qe kolegu Çuçi nuk e paska si informacion, por raporti i OLAF është publik në faqen e Komisionit Europian. Nuk janë thashetheme por përmbledhja zyrtare që OLAF ka bëre mbi hetimin për rastet e abuzimeve me fondet e BE. Raporti i është vënë në dispozicion autoriteve ekzekutive shqiptare por edhe drejtësisë. Kërkesa nuk bazohet as në thashetheme e lajme gazetash por në raportin zyrtar te OLAF. Po të ishte bazuar mbi lajme mediash do të kishim kërkuar në korrik 2023 këtë debat por kemi pritur raportin zyrtar. Është fiks momenti tani për këtë debat, një punë që padyshim do të zgjas edhe në sesionin tjetër parlamentar. Me rëndesi është që të biem dakord për debatin, pastaj kohën se kur e vendos debatin në bazë të rregullores i takon kërkuesve.Të ju vijë turp po shkelni hapur rregulloren. Po mbroni hajdutërine. Ne ju ftojmë të marrim masa ndërsa ju mbroni vjedhjet.
