Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
POLITIKE
Kërkuan rinumërim të votave preferenciale në Tiranë dhe Durrës, KAS rrëzon ankimet e Alimehmetit, Hajdarmatajt, Hoxhës dhe Kalasë
r.llPërditësimi i fundit 30 Maj 2025, 17:42
kandidatet
TIRANË- Komisioni i Ankimeve dhe Sanksioneve ka rrëzuar ankimet e katër kandidatëve të koalicionit "PD-ASHM" për rinumërim të votave preferenciale. Ilir Alimehmeti, Mimoza Hajdarmataj dhe Lisandër Hoxha kërkuar rinumërim të votave për qarkun e Tiranës, ndërsa Aulon Kalaja kërkoi rinumërim për qarkun e Durrësit.
4 nga anëtarët e KAS, përfaqësuesit Bele e Lako nga PS dhe Braho e Çefa nga PD ishin kundër, duke argumentuar se ankimin mund ta bëjë vetëm subjekti politik dhe jo kandidati. Vetëm anëtari Ilirjan Rusmali votoi pro që kandidatët individualë të kishin të drejtën për të kërkuar rinumërimin e votave të tyre.
Ili Alimehmeti sqaron në kërkesën e tij se duke u bazuar në këqyrjet, rezulton sipas tij një parregullsi në masën rreth 5% të votave të numëruara. Konkretisht ai kërkon rinumërimin dhe/ose rivlerësimin e të gjitha Qendrave të Votimit të Qarkut Tiranë si dhe ndryshimin e Tabelës Përmbledhëse sipas rinumërimit dhe/ose rivlerësimit të votave.
Kandidati Lisandër Hoxha tha se kërkesa e tij bazohet në faktin se gjatë vëzhgimit të videove të marra nga KQZ, është konstatuar se disa vota preferenciale janë regjistruar në emër të një kandidati tjetër. Mimoza Hajdarmataj e cila kërkoi rinumërim ose rivlerësim të votave për qarkun e Tiranës, t thotë se një kërkesë e tillë vjen pasi, në bazë të këqyrjes së deritanishme, i rezulton një parregullsi në masën mbi 1000 vota, në të paktën 6 KZAZ.
Aulon Kalaja, i cili kërkoi rinumërim të votave preferenciale për qarkun Durrës, thotë se nga këqyrja e pamjeve ka konstatuar trafikim vote. Ai kërkon nga KQZ vënien në dispozicion të kohës së nevojshme për të analizuar pamjet filmike. Kalaja shprehej se rezervon të drejtën që deri në ditën e shqyrtimit të kërkesës, të shtojë kërkimet dhe argumentat dhe deri në atë moment të paraqesë pretendime shtesë edhe sa i përket legjitimitetit, kjo nisur, sipas tij, nga ngarkesa dhe mospasja e kohës fizike për të përmbyllur çdo argument.
