Një aksident rrugor është regjistruar paraditen e kësaj të enjte (4 qershor 2026) në Tiranë, pranë Fabrikës s&eum...
POLITIKE
Klevis Balliu: Rama sakrifikon Ballukun për të shpëtuar aferat korruptive, të verifikohen tabulatet e kryeministrit
PiranjatPërditësimi i fundit 25 Tetor 2025, 18:40
Deputeti i Partisë Demokratike, Klevis Balliu, komenton thirrjen e zëvendëskryeministres Belinda Balluku në SPAK, ku pritet t'i komunikohet statusi i të pandehurës.
Në një intervistë televizive, Balliu deklaroi se ky zhvillim nuk është shenjë e një sistemi drejtësie funksional, por një lëvizje strategjike e kryeministrit Edi Rama, që synon të shpëtojë veten dhe të garantojë vazhdimësinë e aferave korruptive.
Sipas Balliut, hetimi ndaj Ballukut është rezultat i lojërave të brendshme politike brenda mazhorancës.
"Për Edi Ramën nuk është problem nëse është Balluku apo ndonjë tjetër në krye të aferës. Atij i duhet një person që të firmosë. Nëse Balluku bëhet një peshë shumë e rëndë për anijen që po mbytet të Rilindjes, atëherë ai e hedh, siç ka hedhur të tjerët," u shpreh ai, duke shtuar se për Ramën, prioriteti absolut është që të mos përfundojë vetë në burg, ndërkohë që aferat korruptive vazhdojnë.
Ai përmendi rastet e koncesionit të sterilizimit dhe inceneratorëve, ku pavarësisht arrestimeve të bujshme, kontratat vazhdojnë të prodhojnë para, thjesht duke ndryshuar emrat në krye të skemave.
''Është hequr Klevisi, i ka ardhur Arnoldi. Kaq është bërë," tha ai, duke ilustruar idenë se vetëm individët ndërrohen, por sistemi korruptiv mbetet i paprekur.
Një nga pikat më të forta të argumentit të deputetit Klevis Balliu ishte denoncimi i asaj që ai e quajti standard të dyfishtë flagrant të SPAK-ut.
Ai theksoi se për një person nën hetim si Balluku, veprimi normal do të ishte arrestimi për të parandaluar ndërhyrjen, por në vend të kësaj, asaj i lejohet liria e plotë.
"Belinda Balluku, si zëvendëskryeministre dhe ministre që kontrollon 75% të buxhetit të shtetit, ka një pushtet real dhe të pamatshëm. Si ka mundësi që ajo është e lirë, madje udhëton në Zvicër, ndërkohë që është nën hetim? pyeti Balliu.
Ai e vuri këtë situatë në kontrast të thellë me masat e marra ndaj figurave kryesore të opozitës
Si ka mundësi që Balluku është e lirë? Numri I 2 I shtetit., zv/kryeministre, drejtuese politike e fushatës së Tiranës, ka qenë drejtuesja e politike e qarkut Fier, është ministre e Infrastrukturës dhe e Energjetikës . Ka 75% të buxhetit të shtetit. Pra kjo a nuk ka fuqi të ndërhyjë në hetime. Ky është justifikimi që SKAP i partisë përdori për Berishën dhe e mbajtën 333 ditë në masë arresti në shtëpi. E njëjta me Ilir Metën, kryetari i partisë së dytë në opozitë. Po Belinda Balluku s'ka fuqi të ndërhyjë në hetime? Po Belinda Balluku nuk ka pushtet të mjaftueshëm të ndërhyjë në hetime?
Balliu kërkoi një hetim të thelluar lidhur me informacionet se Rama ka ndërhyrë direkt tek prokurori I çështjes Dritan Prençi.
Ka informacione se Rama ka telefonuar prokurorin e Dritan Prencit. Duhet të merren tabulatet e Ramës e të verifikohet. A ka telefonuar Rama prokurorë të SPAK. Kjo do komision hetimor më vete.
Ai parashikoi se vetë Belinda Balluku do të bëjë çmos për të mos u paraqitur në seancën e së hënës në SPAK, duke përdorur justifikime të ndryshme, një tregues më shumë, sipas tij, i tentativës për t'iu shmangur drejtësisë.
“Të hënën është thirrur për tiu komunikura akuza por ajo nuk do të shkojë. Do të bëjë çmos për të mos shkuar. Do të gjejë justifikime nga më të ndryshmet. Informacione ka që dhe vetë Rama po ndërhyn për shkak të presioneve që bën ajo, që të mos i komunikohet akuza” tha ai.
Deputeti i PD-së e cilësoi qeverinë si një "regjim" dhe Edi Ramën si "kryetar kartelash", i cili ka ndërtuar sistemin më të fortë të vjedhjes në Europë në bashkëpunim me krimin e organizuar. Ai bëri thirrje për veprime dhe përballje të forta politike, duke theksuar se ky pushtet nuk largohet me lutje, por me akte të vendosura./Syri
Kryedemokrati, Sali Berisha ka komentuar qendrimin e kryeministrit Edi Rama per Belinda Ballukun, e cila eshte marre ne hetim nga SPAK.
Kreu i qeverisë ...
Gazetari Fatjon Gjinaj ka komentuar zhvillimet e fundit që lidhen me ministren Belinda Balluku, duke treguar se regjistrimi i saj në regjistrin e pr...
