Gjatë deklaratës së tij pas seancës në Kuvend kreu demokrat Berisha tha për gazetarët se, ‘Edi Rama është n&e...
POLITIKE
Mblidhet Këshilli Bashkiak i Tiranës, vendimet që pritet të diskutohen sot
PiranjatPërditësimi i fundit 15 Tetor 2025, 10:58
Bashkia Tiranë njofton se sot në orën 16:00, do të zhvillohet mbledhja e radhës e Këshillit Bashkiak të Tiranës, ku do të shqyrtohen dhe diskutohen një sërë projektvendimesh me rëndësi për qytetarët, përfshirë mbështetjen për familjet në nevojë, trajtimin me banesa sociale, dhënien e ndihmës financiare për dëmet nga fatkeqësitë natyrore, si dhe investime strategjike në infrastrukturë dhe sport.
Mbledhja do të zhvillohet në përputhje me legjislacionin në fuqi dhe është e hapur për mediat. Më poshtë gjeni rendin e plotë të ditës me të gjitha pikat që do të shqyrtohen në këtë mbledhje.
Njoftim i mbledhjes së Këshillit Bashkiak, SOT, datë 15 tetor 2025, ora 16:00:
Pikat e rendit të ditës, si më poshtë:
1. Projektvendim “Për dhënien e mandatit të anëtarit të Këshillit Bashkiak z. Fatjon Bathorja”.
2. Projektvendim “Për miratimin e familjeve aplikuese që përfitojnë nga programi i bllok-ndihmës ekonomike deri në 6 për qind, nga fondi i kushtëzuar dhe nga buxheti i Bashkisë Tiranë, për periudhën 1-31 gusht 2025”.
3. Projektvendim “Për trajtimin me subvencionin e qirasë të disa familjeve në nevojë, që nuk mund të përballojnë qiranë e tregut të lirë”.
4. Projektvendim “Për sistemimin në banesat sociale me qira, Shkozë, të disa familjeve në nevojë”.
5. Projektvendim “Për miratimin e bonusit të qirasë të individëve/familjeve, pasuritë e të cilëve preken nga zbatimi i projektit “Ndërtimi i aksit rrugor Thumanë-Vorë-Kashar”.
6. Projektvendim “Për dhënien e ndihmës financiare për subjektet që kanë pësuar dëme ndërtimore dhe në orendi/pajisje elektroshtëpiake, si pasojë e rënies së zjarrit dhe përmbytjeve në banesa”.
7. Projektvendim “Për një shtesë në numrin e përgjithshëm të punonjësve të Drejtorisë së Përgjithshme të Kopshteve dhe Çerdheve”.
8. Projektvendim “Për miratimin paraprak të planit të mbarështimit të ekonomive pyjore “Vorë”, “Vërri””.
9. Projektvendim “Për miratimin e draft marrëveshjes së bashkëpunimit ndërmjet Bashkisë Tiranë, Korporatës së Investimeve Shqiptare, Ministrisë Turizmit, Kulturës dhe Sportit dhe Komitetit Olimpik Kombëtar Shqiptar për zbatimin e projektit të investimit “Rijetëzimi i Pallatit të Lojrave me Dorë “Asllan Rusi”, Tiranë” dhe për një ndryshim në vendimin nr. 27, datë 03.04.2025, të Këshillit Bashkiak “Për dhënien e pëlqimit për autorizimin e Korporates së Investimeve Shqiptare për vijimin e procedurave me qëllim realizimin e projektit të investimit “Rijetëzimi i Pallatit të Lojrave me Dorë “Asllan Rusi”, Tiranë”.
10. Projektvendim “Për dhënien e pëlqimit për vijimin e procedurave, për projektvendimin “Për transferimin në pronësi të Bashkisë Tiranë të pasurisë nr 6/108, zona kadastrale 8310, me vendndodhje në Tiranë, dhe për një shtesë në vendimin nr. 219, datë 21.3.2017, të Këshillit të Ministrave, “Për miratimin e listës përfundimtare të pjesshme (pjesa e parë+pjesa e dytë) të pronave të paluajtshme publike shtetërore, që transferohen në pronësi ose në përdorim të Njësisë Administrative Tiranë, Bashkia Tiranë, të Qarkut të Tiranës”, të ndryshuar”.
11. Projektvendim “Për dhënien e pëlqimit për përditësimin e pasurive me nr. 471 dhe me nr. 472, ndodhur në ZK. 1498, pjesë përbërëse të vendimit nr. 477, datë 30.05.2013, të Këshillit të Ministrave “Për miratimin e listës përfundimtare të pronave të paluajtshme publike, shtetërore, që transferohen në pronësi ose në përdorim të Komunës Petrelë, të Qarkut të Tiranës”.
12. Projektvendim “Për dhënien e pëlqimit për përditësimin e pasurive me nr. 4/22 dhe me nr. 4/31, ndodhur në ZK. 8250, si dhe me nr. 1/802, ndodhur në ZK. 8230, Tiranë, pjesë përbërëse të vendimit nr. 143, datë 18.01.2012, të Këshillit të Ministrave “Për miratimin e listës paraprake (pjesa e parë + pjesa e dytë) të pronave të paluajtshme publike, shtetërore, që transferohen në pronësi ose në përdorim të Bashkisë Tiranë, të Qarkut të Tiranës”.
13. Projektvendim “Për transformimin e Klubit Sportiv Studenti në organizatë jofitimprurëse dhe miratimin e akteve të themelimit të saj”.
14. Projektvendim “Për transformimin e Klubit Sportiv Shumësportësh Partizani në organizatë jofitimprurëse dhe miratimin e akteve të themelimit të saj”.
