Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
“Serioziteti matet me bllok”/ Lavdet e ish-deputetit për Manastirliun i rendit sukseset që po i heton SPAK
PiranjatPërditësimi i fundit 15 Tetor 2025, 10:32
Në një intervistë për A2 CNN, Ish-deputeti i PS, Xhemal Qefalia, është përpjekur të gjej argumente pozitive për kandidaten e Bashkisë së Tiranës Ogerta Manastirliu, në tentativë e sipër është bërë qesharakë. Sipas tij Manastirliu i merr seriozisht të gjitha detyrat dhe kjo dallohet që në takime ajo shkon me bllok në dorë.
“Kjo puna e bllokut ha për të diskutuar. Kjo tregon vëmendje dhe përkujdesjen që kandidatja ka për bashkinë. Çdo detyrë e merr seriozisht, ashtu siç ka konkretizuar të gjitha etapat që ajo ka kaluar,” tha Qefalia, duke na garantuar se serioziteti matet me bllokun në dorë.
Ai shtoi gjithashtu se “ajo është një ndër zonjat më të suksesshme të kabinetit Rama”.
Megjithatë, duket se ish-deputeti sheh suksesin e Manastirliut tek tenderat sekret të Ministrisë së Shëndetësisë, për të cilat SPAK ka nisur hetimet. Po ashtu, SPAK ka hapur hetime edhe për keqmenaxhimin dhe abuzimin me fondet e COVID-19 gjatë kohës që Manastirliu ishte ministre.
Qefalia, ndoshta, nuk ka pasur kohë të lexojë raportin e KLSH për Onkologjikun, ku për periudhën në fjalë konstatohet mungesë e theksuar ilaçesh, barna të skaduara, mungesë kontrolli mbi medikamentet, pajisje të vjetruara që nuk garantojnë dozimin e saktë të barnave, dhe laboratori që duhet të çertifikojë ilaçet nuk ka kryer analiza gjatë viteve 2021-2023.
Prandaj, seriozitetin dhe “suksesin” që ish-deputeti i PS konstaton tek Manastirliu, do ta vlerësojmë plotësisht vetëm pasi të përfundojnë hetimet e SPAK-ut për “bllokun” e madh me akuza që i është grumbulluar ish-ministrës së Shëndetësisë.
