Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Konkursi për stadiumin “Selman Stermasi”/ Rama: Një tjetër bërthamë për një qendër të re urbane, do të bëjmë një zgjedhje të mirë
M.B.Përditësimi i fundit 4 Prill 2025, 11:32
TIRANA- Kryeministri Edi Rama ka mbajtur fjalën në eventin e sotëm ku zhvillohet faza finale e Garës Ndërkombëtare për Projekt-Ide Arkitekturore për Rilindjen e Stadiumit “Selman Stërmasi”. Për këtë projekt, 5 skuadrat finaliste do të prezantojnë përpara jurisë, konceptet arkitektonike për një Stadium krejtësisht të ri sipas standardeve të UEFA-s, kategoria IV, i cili do ta kthejë atë zonë në një qendër të re të Tiranës.
Rama tha se stadiumin “Selman Stermasi”do të bëhet një tjetër bërthamë për një qendër të re urbane e për këtë garë shtoi se do të bëjnë një zgjedhje të mirë. Gjithashtu ai tha se kanë nisur disa procese të tjera si, ndërtimin e qendrës së re administrative që do të akomodojë 18 institucione, për ndërtimin e godinës së re të Kadastrës, biblioteka e re kombëtare me një konkurs që, sipas tij, do të shpallet së shpejti.
“Janë bërë projektet e zbatimit dhe IC ka shpallur garën për zhvilluesit, kështu që të gjithë janë të ftuar t’i shikojmë të treja këto mundësi zhvillimi. Stadiumi, janë qendra të reja urbane, në Durrës, Vlorë dghe Korçë. Tani i vjen radhë stadiumit Selman Stermasi, edhe ky sipas kërkesës së bërë për studiot është një tjetër bërthamë për një qendër të re urbane, që jam i bindur që duke pasur parasysh konkurrentët, do të jemi në kushtet ku do të bëjmë një zgjedhje të mirë.
Dua të përmenden këtu edhe disa procese të tjera të filluara, ndërtimin e qendrës së re administrative që do të akomodojë 18 institucione, për ndërtimin e godinës së re të Kadastrës, biblioteka e re kombëtare me një konkurs që do të shpallet së shpejti. Ndërkohë që po punohet dhe është në kantier akademia e Manchester City në Durrës, së shpejti edhe akademinë e Nadal në Durrës. Agjencia është në diskutime me NBA për akademinë e NBA po në Durrës, ku duam të ndërtojmë një destinacion akademish sportive.
Në fund, së shpejti po ashtu, e them këtë se e di që këtu ka jo pak përfaqësuesih kompanish, IC do të shpallë edhe proceset për ndërtimin e një sistemi të ri parkimesh në kryeqytet dhe bregdet, ku ne do të përfshijmë të gjithë arkitektët ndërkombëtarë, me të cilët do të organizojmë edhe festivalin e arkitekturës në fillim të qeshorit. Për parkimet, është t’i përgjigjemi një sfide të madhe që është nevoja për më tepër parkime dhe për një sistem të pranueshëm të qarkullimit që ka filluar të japë shenja vështirësie të dukshme”, tha Rama.
