Ministrja e Ekonomisë, Delina Ibrahimaj, ka deklaruar sot pas mbledhjes së qeverisë se në kuadër të programit do të je...
POLITIKE
Korreshi: Qeveria po tallet me Parlamentin, ndërkombëtarët të ndërhyjnë!
PiranjatPërditësimi i fundit 11 Maj 2026, 09:16
Deputeti i Partisë Demokratike, Saimir Korreshi, akuzon qeverinë për bllokim të kontrollit parlamentar dhe mosrespektim të institucioneve kushtetuese.
I ftuar në emisionin “Kafe Shqeto”, në SYRI TV, Korreshi u shpreh se opozitës po i mohohet e drejta për komisione hetimore dhe interpelanca, ndërsa kërkoi reagim nga ndërkombëtarët për situatën politike në vend.
Korreshi:Po arrestoje, shpërdorim detyre atij që nuk të kthen përgjigje, e ka përcaktuar ligji se sa është afati. Shpërdorim detyre, regjistroj direkt kryesisht vepër penale çdo zyrtari i cili nuk i përgjigjet autoritetit më të lartë ligj-zbatues që është hetimor. Po si mundet të mos ndërhyjnë ndërkombëtarët kur parlamenti është bërë me mungesë totale të kryeministrit Edi Rama. Po si mund të mos ndërhyjnë ndërkombëtarët kur ne e vetmja mënyrë me të cilën kontrollojmë qeverinë, është ajo e komisioneve hetimore të cilat çdo herë me forcë kartoni na refuzohen.
Po si mund të mos ndërhyjnë ndërkombëtarët kur ne kërkojmë interpelancë me kryeministrin, me ministrat dhe unë kryesisht me atë të shëndetësisë dhe ajo nuk vjen. Tani ku është përgjegjësia, e kupton, nuk mund të tallesh me parlamentin, sepse vërtet ata mund të kenë thënë kanë 83 kartona hajdutësh, por problemi është se pjesa tjetër janë 600.000 shqiptarë që kanë votuar këtë opozitë. Janë 600.000 shqiptarë vota përveç atyre që nuk kanë votuar, të cilët refuzojnë në mënyrë barbare këtë lloj qeverisje dhe duan llogari për paratë e shqiptarëve, për ato taksa që paguajnë këta përditë.
Ajo që nxjerr unë përditë në Lushnjë që na vjen këtu, na hiqet me buzëkuq, na mbledhin 10, 15 veta, punëtorët e tyre, por nga ana tjetër ju e keni parë se çfarë gjendje janë çdo lagje, fshati, qyteti në Lushnjë, që është skandaloze. Dhe atë kam për qëllim që t’jua nxjerr të paktën në atë mikron time se si është situata. Por për t’i thënë njerëzve që atë që shkelin me këmbë përditë po ja nxjerr me celularin se s’po bëj asgjë më tepër. Sepse njerëzit e kalojnë atë përditë, por vetëm t’i sensibilizoj që ore shiko se keni akoma punë me pallavra, lërini përrallat se mund t’ju fusin këta në Europë.
Pra, ndërkombëtarët do të bëjnë presion politikisht në qoftë se kanë të paktën, nuk duam favor ne, absolutisht. Se favor mund të ishte negocimi për qeveri teknike. Po të paktën për të ngritur komisionet hetimore është një rregull kushtetues, një rregull me rregulloren e parlamentit që është ligj, për të cilën të gjithë njerëzit t’i japin të drejtën të shikojnë çfarë hajdutësh kanë përballë, sepse ju e dini komisionet hetimore kanë dalë e nxjerrë skandale pafund.
